41. MI TRO TIMAS
41. 我太害怕了
En tiu ebena regiono, ĉe la suda rando de Saharo, kie vivas la Zafiaŭoj, la gepatroj de knabino ĝenerale postulas, por fordoni sian filinon al edziĝ-deziranto, monsumon tiel altan, ke ĝi superas la eblojn de normala juna viro.
在撒哈拉南缘、扎菲奥人居住的那片平原地区，一个女孩的父母通常会要求一笔极高的钱，才肯把女儿交给一个想娶她的人，这笔钱高到超出普通年轻男子所能承受的范围。
Kiel neriĉa knabo povus realigi la projekton fondi familion en tiaj kondiĉoj?
在这种条件下，一个不富有的年轻人怎么可能实现成家的计划呢？
Estas ja simple neeble al junulo enspezi sufiĉe da mono por pagi la prezon de bona vivkunulino.
一个年轻人想挣到足够的钱，去支付一个好生活伴侣的“价钱”，根本就是不可能的。
Tial estas tradicie, ke juna viro, deziranta edziĝi, iras en alian vilaĝon por kapti junulinon kaj de tie forkondukas ŝin al sia hejmo.
因此，按照传统，一个想结婚的年轻男子会去另一个村子“抓”一个年轻姑娘，再把她从那里带回自己家。
Efektive, por lerta junulo, tio estas la plej efika sistemo eviti senĉesajn diskutojn kun la estonta bofamilio.
实际上，对于一个机灵的年轻人来说，这是避免和未来岳家没完没了争论的最高效办法。
Plej ofte, la kapto estas aranĝata interkonsente kun la knabino.
多数时候，这种“抓人”其实是和那姑娘事先商量好的。
Tian kapton decidis efektivigi Jajo, kiam li atingis la aĝon de 18 jaroj.
雅约在年满十八岁时，就决定实施这样一次“抢亲”。
Jajo estis ege kuraĝa.
雅约非常勇敢。
Entreprenema, plena je energio, timanta nenion kaj neniun, li restis egalanima antaŭ ĉiuj danĝeroj, kaj eĉ la plej sovaĝaj bestoj ne sukcesis impresi lin.
他敢闯敢干，精力充沛，什么都不怕，谁也不怕；面对一切危险都能保持镇定，甚至最凶猛的野兽也不能把他吓住。
Jajo havis bonan, sinceran amikon, samaĝan, kies nomo estis Adum.
雅约有一个善良而真诚的同龄朋友，名叫阿杜姆。
Tiuj du knaboj ne povus pli diferenci.
这两个男孩子简直不可能更不一样了。
Adum ja tiom timis, kiom kuraĝis Jajo.
阿杜姆有多胆小，雅约就有多勇敢。
La vido de sango, ekzemple, tuj kreis en Adum egan malkomforton, nura penso pri sovaĝaj bestoj igis liajn harojn ekstari, kaj ĉio nova efikis kvazaŭ preme al lia koro.
比如，一看见血，阿杜姆就会立刻极不舒服；仅仅想到野兽，就会让他毛骨悚然；而一切新东西都仿佛沉沉压在他的心上。
Domaĝe, ke tiu timo baris al Adum tiom da ebloj, ĉar, cetere, li estis plej kapabla knabo.
可惜的是，这种恐惧挡住了阿杜姆那么多可能性，因为除此之外，他原本是个能力极强的男孩。
Foje, iu fremda scienculo, kiu faris esploron tiulande, petis ĉiujn junulojn de la vilaĝo provplenumi malfacilan taskon, ĉar li bezonis helpanton kun specialaj kapabloj manaj, kun aparte bona vido kaj kun inteligenteco supera al tiu de la meznombro.
有一次，一个在那个国家做调查研究的外国科学家，让村里所有年轻人都试着完成一项困难任务，因为他需要一个助手，这个助手得有特殊的手工能力、特别好的视力，以及高于平均水平的智力。
El la tuta vilaĝo, nur Adum sukcesis.
在全村人里，只有阿杜姆成功了。
Li havis eksterordinare akrajn okulojn, pli lertis fingre ol la ceteraj lokaj knaboj kaj lia menso funkciis aparte klare kaj vigle.
他的眼睛异常敏锐，手指比本地其他男孩子更灵巧，脑子运转起来也格外清楚而敏捷。
Kontenta finfine trovi iun vere kapablan lin helpi, la scienculo proponis al Adum trimonatan dungiĝon ĉe li.
那位科学家终于找到一个真正有能力帮助自己的人，十分高兴，于是向阿杜姆提出让他受雇三个月。
Sed kvankam tiu dungo estis plej interesa, kun tre bona pago kompare kun ĉio, kion eblas ricevi tiuregione, Adum malakceptis.
可尽管这份工作极有意思，而且报酬同那个地区能拿到的一切相比都非常优厚，阿杜姆还是拒绝了。
Dungiĝo ja devigus lin iri al alia, sufiĉe malproksima loko, kaj li nepre volis eviti kontakton kun fremduloj.
因为受雇就意味着他必须去另一个相当遥远的地方，而他无论如何都想避免和陌生人接触。
La tuta vilaĝo rekomendis al li jesi, sed li kapneis energie, kun la lipoj forte premataj kaj ĉiuj linioj de la vizaĝo streĉataj al esprimo malkontenta.
全村人都劝他答应，可他却使劲摇头，嘴唇紧紧抿着，整张脸的线条都绷成一种不满的表情。
Kiam oni demandis lin, kial li ne akceptas tiun eksterordinare favoran dungproponon, li ne respondis.
当人们问他为什么不接受这样一份极其优厚的工作邀请时，他没有回答。
Li perfekte konis la kaŭzon de sia malkonsento, sed timis ĝin diri, ĉar oni mokus lin.
他自己非常清楚拒绝的原因，可他害怕说出来，因为别人会嘲笑他。
Lin teruris ne nur la ideo gasti plurmonate ĉe fremduloj, sed precipe la fakto, ke tien li devus veturi aŭte.
使他恐惧的，不只是要在陌生人那里住上好几个月这个念头，更主要的是：去那里他必须坐汽车。
Neniam li sidis en aŭto, kaj li intencis neniam fari tion.
他从来没有坐过汽车，而且也打算永远都不这样做。
Por ni plej ordinara veturila bruo estis por li malkomforte timiga.
对我们来说最普通不过的车辆噪音，对他而言都令人不舒服地可怕。
Timema estis Adum, sed ankaŭ lerta, inteligenta, bonkora kaj bone edukita.
阿杜姆固然胆小，但他同时也灵巧、聪明、善良，而且很有教养。
Krome, la amikeco inter Jajo kaj li estis plej profunda kaj sincera.
此外，他和雅约之间的友谊也极其深厚而真诚。
Tial venis la propono:
因此，便有了这样一个提议：
"Mi bezonas vian helpon," Jajo diris al li.
“我需要你的帮助。”雅约对他说。
"Mi intencas edziĝi.
“我打算结婚。
Mi rimarkis knabinon en la brun-fonta vilaĝo.
我在棕泉村注意到了一个姑娘。
Mi konatiĝis kun ŝi.
我已经和她认识了。
Ŝi plaĉas al mi, mi al ŝi.
我喜欢她，她也喜欢我。
Mi iros kapti ŝin, sed tion mi ne povus fari sola.
我要去把她‘抢’回来，可这件事我一个人办不到。
Mi bezonos helpanton."
我需要一个帮手。”
Adum ege antaŭtimis tian danĝeran entreprenon, sed li ankaŭ timis perdi la estimon de Jajo.
阿杜姆对这样危险的行动预先就怕得很，可他也害怕失去雅约对自己的看重。
Ĉilasta timo estis pli forta: li jesis.
后一种恐惧更强，于是他答应了。
La du amikoj surkamele ekiris, unu trankvila, la alia kun koro batanta pro timo.
两个朋友骑着骆驼出发了，一个平静从容，另一个则因为害怕而心跳不止。
La kapto okazis senprobleme.
“抢人”这件事进行得毫无问题。
Gajis la etoso en la triopo, kiam ĝi ekiris revene.
当三人结伴踏上归程时，三人之间的气氛是欢快的。
La knabino estis ridema, kaj Adum ŝin tuj ŝatis.
那姑娘总是带着笑，阿杜姆一下子就喜欢上了她。
Sur la revena vojo, kiam alvenis la horo ripozi kaj sensoifiĝi, Jajo petis de Adum:
在回程路上，到了该休息并解渴的时候，雅约请求阿杜姆：
"Iru preni akvon, bonvolu."
“请你去取点水来吧。”
En tiu regiono, riveroj ne estas riveroj kiel en la cetero de la mondo.
在那片地区，河流并不像世界其他地方的河流那样。
Videblas, jes ja, du bordoj, kiuj laŭiras specon de fosaĵo, natura fosaĵo.
确实能看到两道河岸，它们沿着一条像壕沟似的天然沟槽延伸。
Efektiva rivero tie fluas somere dum du monatoj, post la pluva sezono, sed dum la ceteraj monatoj de la jaro, oni ne vidas akvon inter tiuj riverbordoj, nur grandegajn arbojn, kiuj sukcesas tiri por si akvon el la subtera profundo.
真正的河流只会在夏天、在雨季过后的两个月里在那里流动；可在一年的其余月份里，人们在那两岸之间看不见水，只能看见巨大的树木，它们成功地从地下深处为自己吸取水分。
Tra truoj, ofte fortigitaj per tabulaj muroj, kiuj malhelpas disfalon, ankaŭ la homoj povas atingi la subteran akvon kaj ĝin preni por siaj ĉiutagaj bezonoj.
人们也能通过一些洞口去够到地下水，并把它取来供日常所需；这些洞口常常还用木板墙加固，以防坍塌。
Tion Jajo petis, ke Adum faru.
雅约要阿杜姆做的，就是这件事。
"Mi timas," Adum respondis, "mi konas tiun akvoprenejon: ĝi estas fama pro la leonoj, kiuj ĝin vizitadas."
“我害怕。”阿杜姆答道，“我知道那个取水处：那里因为狮子常去而出了名。”
Tiu reago amuzis Jajon, kaj kiam li apartigis la lipojn ridete, liaj dentoj tiel radie blankis ĉe la nigra vizaĝo, ke la knabino sentis sian koron moliĝi: kia bonŝanco esti elektita de tiel aminda junulo!
这种反应把雅约逗乐了；当他带着笑意分开嘴唇时，他的牙齿在那张黑黑的脸上亮得简直发白，那姑娘只觉得自己的心都软了：能被这样可爱的年轻人选中，真是多大的幸运啊！
"Nu, bone," Jajo respondis, "ŝajnas, ke vi kaj mi kaŭzas ĉe leonoj malsamajn reagojn.
“好吧，”雅约回答说，“看来你和我在狮子那里会引起不同的反应。
Eĉ plej sovaĝa leono ĝenerale evitas min.
哪怕最凶的狮子，一般也都会躲着我。
Tuj kiam mi montriĝas, tiuj bestoj forkuras kaŝi sin en iu senhoma angulo.
只要我一出现，那些野兽就会逃跑，躲进某个没有人的角落里去。
Ili tuj konscias mian superecon, ŝajnas.
它们似乎立刻就会意识到我比它们强。
Restu do ĉe mia amatino; al akvo iros mi."
所以你就留在我心爱的姑娘身边吧；去取水的事，由我去。”
Sed ankaŭ resti sola ĉe la knabino timigis kompatindan Adum, kaj tion li vigle esprimis.
可是，单独和那姑娘待在一起这件事，同样也把可怜的阿杜姆吓住了，而这一点他也激烈地表达了出来。
"Kial vi ne ambaŭ irus?" demandis la junulino.
“你们两个为什么不一起去呢？”那年轻姑娘问道。
"Mi povas resti sola.
“我可以一个人待着。
Mi ne timas.
我不怕。
Mi gardos la kamelojn kaj la pakaĵojn."
我来照看骆驼和行李。”
La du amikoj kune do malproksimiĝis.
于是，这两个朋友便一起走远了。
Kiam ili atingis la riverbordon, Jajo proponis al Adum, ke ĉi-lasta malsupreniru ĝis la truo, por preni akvon.
当他们来到河岸边时，雅约提议让阿杜姆下到洞口那里去取水。
"Kial mi?"
“为什么是我？”
Adum respondis.
阿杜姆回答道。
"Eble vi volas uzi tiun tempon, dum mi pene iras malsupren, por rapidi al via ino kaj forkameli kun ŝi, lasante min sola.
“也许你是想趁我辛苦往下爬的这段时间，赶紧跑回你的女人那里，骑着骆驼和她一起跑掉，把我一个人扔下。
Nun vi havas amatinon kun vi, vi ne plu solas, vi ne plu bezonas min.
现在你有爱人陪着了，你不再孤单，也就不再需要我了。
Mi ege timas.
我真的非常害怕。
Krome, ne estus juste.
而且，这也不公平。
La penan laboron, kial faru nur mi?"
为什么苦活只让我一个人来干呢？”
"Adum, kio al vi okazas?
“阿杜姆，你这是怎么了？
Ĉu vi ne estas mia amiko?
你不是我的朋友吗？
Ĉu mi ne ĉiam estis justa al vi?
我不是一直都对你很公平吗？
Por montri, ke mi tute ne volas lasi al vi sola la penajn taskojn, mi iros mem."
为了表明我一点也不想把辛苦的事单独留给你，我自己去好了。”
"Sed tiam mi restos sola ĉi tie supre!" preskaŭ plore plendis Adum.
“可那样我就要一个人留在上面了！”阿杜姆几乎带着哭腔抱怨道。
"Kio okazos al mi, se leonoj venos?
“如果狮子来了，我可怎么办？
Ili estas akradentaj, kaj mi ilin timas!"
它们牙齿那么尖，我害怕它们啊！”
"Adum, Adum mia kara, vi ne estas kunulo, kun kiu vivo facilas.
“阿杜姆，阿杜姆，我亲爱的，你真不是那种让生活变得轻松的同伴啊。
Feliĉe, ke vi estas mia bona amiko, kaj ke mia patrino edukis min agi helpeme.
幸好你是我的好朋友，也幸好我母亲把我教育成了一个乐于帮助别人的人。
Ni iru kune, kaj kune revenu supren."
我们一起下去，再一起上来吧。”
Efektive, la malsupreniro estis pena, kaj eĉ pli pena la reveno al la bordosupro, kun la akvo, kiu pezis, kaj kiun plej singarde necesis porti.
事实上，下去就已经很费劲了，而带着沉重的水、还得万分小心地提着它再爬回岸顶，则更是辛苦。
Sed ĉio disvolviĝis plej bone, kaj vigle diskutante pri leonoj, ili revenis al la loko, kie la junulino sidis.
不过，一切进行得相当顺利，他们还兴致勃勃地议论着狮子，一边回到了那位姑娘坐着的地方。
"Jam estas vespero," Jajo diris.
“已经是晚上了。”雅约说道。
"Ni tranoktu ĉi tie.
“我们就在这里过夜吧。
Morgaŭ ni daŭrigos la vojaĝon."
明天再继续赶路。”
Ili manĝis kaj trinkis, manĝigis kaj trinkigis la kamelojn, elprenis la kovrilojn kaj aranĝis la pakaĵojn por komforte pasigi la nokton.
他们吃了东西、喝了水，也给骆驼喂了食、喂了水，拿出了毯子，又整理好了行李，以便舒服地过夜。
"Ni bone dormos ĉi tie," Jajo diris, kontente rigardante la lokon.
“我们会在这里睡得很好。”雅约满意地望着这个地方，说道。
"Ni kuŝu, mi ĉi-flanke, vi tiuflanke, kaj ŝi inter ni."
“我们这样躺吧：我睡这一边，你睡那一边，她睡在我们中间。”
"Ho Jajo, kiel vi povas tion proponi?"
“哦，雅约，你怎么能提出这样的安排？”
Adum zorgvizaĝe demandis.
阿杜姆满脸担忧地问。
"Se mi kuŝos ekstere, leono venos sensoifiĝi per mia sango, satiĝi per mia viando."
“如果我睡在外侧，狮子就会来，用我的血解渴，用我的肉充饥。”
Jajo kaj lia amatino interŝanĝis signifplenan rigardon.
雅约和他的恋人交换了一个意味深长的眼神。
"Ne gravas al mi," la knabino diris.
“我不介意。”那姑娘说道。
"Adum, kuŝu meze, inter ni."
“阿杜姆，你睡中间，睡在我们俩之间。”
Tiel estis aranĝite, kaj la tri baldaŭ endormiĝis.
事情就这样安排好了，三个人很快便睡着了。
Sed meze de la nokto, Jajo kaj la junulino vekiĝis, dum Adum plu dormis profunde.
可到了半夜，雅约和那年轻姑娘醒了，而阿杜姆仍旧睡得很沉。
La geknaboj ridetis al si, ĝojaj konstati, ke ambaŭ vekiĝis samtempe.
这对少男少女相互微笑，因为他们高兴地发现，两人竟在同一时刻醒来。
En tiu fakto ili vidis, ke io ligas ilin, iu ligilo jam forta, eĉ se ilia amo ankoraŭ estas tre freŝdata.
在这个事实里，他们看见了某种把自己联系在一起的东西，一种已经很强的纽带，哪怕他们的爱情还非常新。
Jajo puŝis for sian kovrilon, ekstaris, kaj signis al la amatino, ke ŝi venu al li.
雅约推开自己的毯子，站起身来，并示意恋人过来。
Ankaŭ ŝi forpuŝis la kovrilon kaj alproksimiĝis al la knabo.
她也把毯子推开，向那男孩走近。
"Mi havas ideon," Jajo diris tiel mallaŭte, ke ŝi apenaŭ povis aŭdi.
“我有个主意。”雅约轻声得几乎让她听不见。
"Ni faru ŝercon al Adum.
“我们来捉弄一下阿杜姆吧。
Kiam mi iris preni akvon, mi konstatis, ke sur la riverbordo troviĝas sekaj arboj, kiuj falis foje, verŝajne trafite de fulmo.
我去取水的时候，发现河边有些已经干了的树，应该是某次被雷打中后倒下的。
Inter ili estas kelkaj samgrandaj kiel vi kaj mi.
其中有几根和你我差不多一样大。
Ĉu vi bonvolos veni kun mi ĝis tiu bordo kolekti du?
你愿不愿意跟我一起到那边去，搬两根回来？
Ni kuŝigos ilin ambaŭflanke de Adum kaj metos sur ilin niajn kovrilojn.
我们把它们放在阿杜姆两边，再把我们的毯子盖在上面。
Tiel li imagos, ke estas vi kaj mi.
这样他就会以为那是你和我。
Ni tuj foriros surkamele.
然后我们立刻骑着骆驼离开。
Kiam tagiĝos kaj la sunradioj vekos nian timulon, tio estos leciono por li.
等天亮了，太阳光把这个胆小鬼叫醒的时候，这就会成为给他上的一课。
Li konstatos, ke li dormis tute sola, kaj ke neniu leono lin manĝis!"
他会发现，自己竟然完全一个人睡着，而且根本没有狮子把他吃掉！”
Ŝi ridis silente.
她无声地笑了。
"Ŝercema vi estas, Jajo, ŝercema!
“你可真爱开玩笑，雅约，真爱开玩笑！
Al mi tio plaĉas!"
我喜欢这样！”
Tion ili faris evitante fari bruon aŭ movojn, kiuj povus veki Adum, ĝojaj pri la sento de komuneco, de agrabla kunlaboro en ŝerco.
他们就这样做了，小心避开会吵醒阿杜姆的声音和动作；他们因为这种共同感、因为这场恶作剧中的愉快合作而感到开心。
Kaj, meze de la bela stelplena nokto, ili surkamelis for.
就这样，在美丽的满天星斗之夜中，他们骑着骆驼离开了。
Kiam Adum vekiĝis, li terure konstatis, ke liaj gekunuloj foriris kaj ke... leono staras tuj apud li.
当阿杜姆醒来时，他惊恐地发现，自己的两个同伴已经走了，而且……一头狮子正站在他身边。
La leciono pri nedanĝero leona vere estis fuŝita!
那堂“狮子并不危险”的教训，真是彻底失败了！
Lin kaptis tia timego, ke, ne plene konscia, kion li faras — eble li ankoraŭ duondormis — li saltis sur la dorson de l' leono kaj ekkaptis ties du orelojn.
巨大的恐惧一下子抓住了他，以至于他并不完全知道自己在做什么，也许他还半睡半醒，就猛地跳到了狮子背上，一把抓住了它的两只耳朵。
Sentante iun sur si, ne sciante, kion fari, la leono ekkuris tra la senhomejo.
狮子感觉到自己身上有东西，却又不知道怎么办，于是便在无人荒野中狂奔起来。
Tenante ĝiajn orelojn, Adum rimarkis, ke li kapablas direkti ĝin.
阿杜姆抓着狮子的耳朵，发现自己竟然能控制它的方向。
Li ĝin turnis jen al tiu direkto, jen al tiu alia, ĝis li kondukis ĝin al sia vilaĝo.
他一会儿把它转向这个方向，一会儿又转向那个方向，直到把它引到了自己的村庄。
Kiam li alvenis en la vilaĝon, Jajo kaj la knabino ankoraŭ ne estis revenintaj.
当他回到村里时，雅约和那姑娘还没有回来。
Ili ĝuis sian kuneston for de ĉiuj ceteraj homoj, kaj tute ne deziris rapidi hejmen.
他们正享受着远离其他所有人的独处时光，根本不想急着回家。
Vidante Adum eniri fulmrapide la vilaĝon, side sur kuranta leono, la vilaĝanoj apenaŭ povis kredi al la propraj okuloj.
村民们看到阿杜姆像闪电一样冲进村子，骑在一头奔跑着的狮子背上，几乎都不敢相信自己的眼睛。
Krioj sonis:
四下里响起了喊声：
"Estas Adum!
“是阿杜姆！
Kia kuraĝulo!
多么勇敢的人啊！
Kiu diris, ke li estas timema?
是谁说他胆小的？
Rigardu!
快看！
Kia neordinara kuraĝo!
多么非凡的勇气！
Li sidas sur leono kaj direktas ĝin!"
他坐在狮子身上，还在驾驭它呢！”
"Li indas fariĝi nia ĉefo!" iu proponis.
“他配当我们的首领！”有人提议说。
La antaŭa vilaĝestro antaŭ nelonge mortis, kaj oni ankoraŭ ne estrigis iun, kiu anstataŭu lin.
前任村长不久前刚去世，而人们还没有立谁来接替他。
"Jes!
“对！
Adum nia ĉefo!
阿杜姆当我们的首领！
Adum estu nia ĉefo!" ĉiaj voĉoj laŭtis.
让阿杜姆做我们的首领！”各种声音都高喊起来。
Ili ne konsciis, ke Adum estas preskaŭ morta pro timo.
他们没有意识到，阿杜姆几乎已经被吓得要死了。
Sed ĉi-lasta bezonis helpon.
不过后者确实需要帮助。
"Amikoj!
“朋友们！
Mortigu ĉi tiun leonon," li kriis per voĉo, kiun markis timo.
杀了这头狮子吧！”他用一把带着恐惧的声音喊道。
Sed oni ĉiam aŭdas laŭ tio, kion oni imagas, kaj anstataŭ timon aŭdi, la vilaĝanoj aŭdis venkosenton.
可是，人总是会按照自己想象的方式去听；于是村民们听到的不是恐惧，而是一种胜利感。
Kiel, se ne venke, povus reagi viro kapabla vojaĝi sur leono?
一个能骑着狮子出行的男人，如果不是带着胜利者的姿态，又怎么可能这样反应呢？
Jam ili sentis lin superulo kaj deziris lin obei.
他们已经觉得他高人一等，也愿意服从他了。
Ili do mortigis la leonon.
于是，他们便把那头狮子杀了。
Nur tiam Adum sukcesis deiĝi de sur la sovaĝa, plej timiga besto.
直到这时，阿杜姆才终于成功地从那头野蛮而最吓人的猛兽背上下来。
Tiel li fariĝis vilaĝestro.
就这样，他成了村长。
Kiam Jajo kaj lia amatino alvenis, la vilaĝanoj anoncis al ili, ke nova estro ĵus estis elektita: Adum.
当雅约和他的恋人回来时，村民们告诉他们，新的首领刚刚选出来了：阿杜姆。
"Adum, ĉu vere?
“阿杜姆，真的吗？
Ĉu vi ŝercas?
你不是在开玩笑吧？
Kia nekredebla anonco!"
这消息也太不可思议了！”
Jajo ekmiris.
雅约惊讶起来。
Oni klarigis, ke tute ne temas pri ŝerco, sed pri la efektiva, de ĉiuj konstatita, kuraĝo de Adum, alveninta side sur leono.
人们向他解释说，这根本不是玩笑，而是阿杜姆真实的、被大家亲眼看到的勇气：他是骑着狮子回来的。
Pri tiu antaŭe ne imagebla evoluo, la du geamantoj ne sciis, kion pensi.
对于这种以前根本想象不到的发展，这对恋人也不知道该怎么想。
Sed ĉar temis pri bonkora kaj certe plej sincera amiko, ili plezure akceptis lin kiel ĉefon.
不过，因为对方毕竟是一个善良、而且毫无疑问极其真诚的朋友，他们还是高高兴兴地接受了他做首领。
Ĉiuj ekaktivis por prepari grandan feston kaj prikanti la novan ĉefon kaj lian historian grandfaron.
大家都动起来，准备一个盛大的庆典，并歌颂这位新首领和他那次具有历史意义的伟大壮举。
Oni kuiris bonajn viandojn, trinkis, laŭ la tradicio, multe da tre sukerita teo, kaj lasis gliti tra la lipoj, ĝue, tiun grenbieron, kiun, laŭ la religio, oni devus ne trinki, sed... nu, Islamo alvenis ĉi tien ne antaŭ tiel longe, kaj ĝi ne sukcesis plene forpuŝi la antaŭajn kutimojn.
人们煮了可口的肉食，按传统喝了很多甜得发腻的茶，还愉快地让那种谷物啤酒从唇边滑入口中；照宗教规矩，本来不该喝这个，可是……嗯，伊斯兰传到这里的时间还不算太久，它还没能彻底把先前的习俗赶走。
Ekde tiu tago, Adum neniam plu timis.
从那天起，阿杜姆再也不害怕了。
Ĉiuj rigardis lin kuraĝulo.
所有人都把他看作一个勇敢的人。
Kion li povis fari, krom agi kuraĝe?
除了勇敢行事之外，他还能怎么办呢？
Tion farante, li rimarkis, ke ne estas tiel terure, ke li efektive povas: kuraĝo iom post iom fiksiĝis en li.
就在这样做的时候，他注意到事情其实并没有那么可怕，自己也确实做得到：勇气就这样一点一点在他身上固定下来。
Kaj ĉar li estis lerta, inteligenta, kunsentema, li montriĝis bonega vilaĝestro.
而且因为他灵巧、聪明，又富有同情心，他最终证明自己是个极好的村长。
Nur kiam li mem iris ŝteli edzinon, li diris al ŝi (ĉar ambaŭ amis unu la alian sincere, kaj li ne volis kaŝi for de ŝi la veron):
只有当他自己也去“偷”妻子时，他才对那姑娘说了出来（因为两人真心相爱，而他不想对她隐瞒真相）：
"Ĉu vi scias, kial mi alvenis ĝis la vilaĝo surleone?"
“你知道我为什么是骑着狮子一路回到村里的吗？”
"Ne," ŝi scivole respondis.
“不知道。”她好奇地回答。
Eĉ al amata edzino ne estis facile klarigi.
即使是对自己心爱的妻子，这事也并不容易解释。
"Ĉar mi... nu, pro timo mi... mi... mia korpo eligis ĉion superfluan, ĉu vi komprenas?
“因为我……嗯，由于害怕，我……我……我的身体把所有多余的东西都排出来了，你明白吗？
Mi malsekiĝis.
我身上都湿了。
Nu... ĉio, kion mi antaŭe manĝis kaj trinkis, elfluis kaj elglitis tra la malsupraj korpotruoj.
嗯……我先前吃的、喝的一切，都从身体下边的孔洞里流了出来、滑了出来。
Pro la suno kaj la varmo, la forĵetaĵoj duone resekiĝis kaj formis kvazaŭ gluaĵon, tiel ke mi restis glue fiksita al la dorso de tiu leono.
由于太阳和炎热，那些排泄物半干了，形成了某种像胶一样的东西，所以我就黏黏地固定在了那头狮子的背上。
Pro tio ĝis la vilaĝo mi restis sur ĝi!"
正因为如此，我才能一直待在它背上直到进村！”
NOVAJ VORTOJ: glui, Islamo, kamelo, Saharo, zafiaŭo
新词：黏；伊斯兰；骆驼；撒哈拉；扎菲奥人
NOVAJ KUNMETOJ
新复合词
egal-anima
镇定的；心境平稳的
est-onta
将要成为的；未来的
freŝ-data
刚开始的；新近的
kovr-ilo
覆盖物；毯子
mez-nombro
平均数
speco de
一种；一类
super-flua
多余的；过剩的