25. KIU TIMU KIUN?
25. 谁该怕谁？
"Mi tuj alportos teon," ŝi diris, kaj malaperis en la kuirejon.
“我马上拿茶来。”她说着，便消失在厨房里。
Mi sentis min malvarma kaj alproksimiĝis al la fajro.
我觉得冷，便靠近了炉火。
Fajroj ĉiam altiris min.
火总是吸引我。
Mi rigardis ĝin.
我注视着它。
Ĝiaj ruĝaj kaj flavaj lumoj dancis en miaj okuloj.
它红色和黄色的光在我眼前跳动。
La fakto, ke iom da fumo eliĝis el la fajro kaj plenigis la ĉambron per sia karakteriza odoro, tute ne ĝenis min.
有一点烟从火里冒出来，以它特有的气味充满了房间，这一点丝毫没有使我不快。
La teo estis varma kaj bongusta, ne tro forta, feliĉe, ĉar mi ne ŝatas tro fortan teon, male al kafo, kiu plaĉas al mi nur, se ĝi estas forta, densa, nigra.
茶很热，也很好喝，幸好不太浓，因为我不喜欢太浓的茶；咖啡则相反，我只喜欢浓的、稠的、黑的咖啡。
"Mi ne komprenas, kial vi biciklas en tia vetero," ŝi diris.
“我不明白，你为什么在这种天气里骑自行车。”她说。
"Ne estas pro devo, ĉu?
“不是因为不得已吧？
Estas nur sporto, mi supozas."
我猜，只是为了运动。”
"Jes," mi respondis, "estas nur sporto.
“是的，”我回答说，“只是运动而已。
Mi ŝatas vojaĝi bicikle.
我喜欢骑车旅行。
Nun estas la ferioj.
现在是假期。
Kiam mi foriris ĉi-matene, la vetero estis bela.
我今天早上出发的时候，天气很好。
Kiu povis supozi, ke ekfalos tia frosta pluvo?
谁能想到会突然下起这样冰冷的雨呢？
La radio nenion similan anoncis.
广播里一点也没有预报类似的天气。
Kaj mi ne povis antaŭvidi, ke mia rado estos fuŝita."
而且我也不可能预料到我的车轮会坏掉。”
"Vi estas bonŝanca, ke vi venis ĉi tien.
“你来到这里，算是走运了。
La vilaĝo estas malproksima.
村子很远。
Tuj post ĉi tiu domo, la arbaro komenciĝas, kaj dum dudek kilometroj estas plu neniu."
就在这所房子后面，森林就开始了，接下来二十公里都再没有人家。”
"Ĉu vi vivas sola ĉi tie?"
“您一个人住在这里吗？”
"Normale ne.
“平常不是。
Mia filo loĝas kun mi.
我儿子跟我一起住。
Li havis edzinon, sed ŝi forlasis lin.
他原来有个妻子，但她离开了他。
Nun li eksedziĝis.
现在他已经离婚了。
Sed de tempo al tempo li devas vojaĝi por sia komerco."
不过他时不时得为生意出门。”
Nun ne plu pluvo falis, sed neĝo.
这时落下来的已经不再是雨，而是雪。
Dikaj, densaj neĝeroj.
大片的、浓密的雪花。
Mi min demandis, kiel mi daŭrigos mian vojaĝon morgaŭ, se dum la tuta nokto plu neĝos tiel dense.
我心里想，如果整个夜里雪还会这样密密地下，明天我该怎么继续我的旅程呢？
Plus tiu fuŝita rado, kiun mi iel devos prizorgi.
再加上那个坏掉的车轮，我还得想办法处理。
Eble finfine la gepatroj pravis.
也许父母终究是对的。
Eble ne estis tre saĝe fari biciklan vojaĝon tute sola en iom monta regiono en aprilo.
也许在四月里独自一人到一个略有山地的地区来一场自行车旅行，的确并不很明智。
Speciale sur tiu malnova biciklo, ne plej bone funkcianta.
尤其还是骑着那辆运转并不太好的旧自行车。
Sed plendi utilus al nenio.
可抱怨一点用也没有。
La hejmo estis malproksima.
家离得很远。
Neniu povus min helpi.
没有人能帮我。
Jam mi estis ege bonŝanca, ke ĉi tiu soleca domo ekzistas, kaj ke en ĝi loĝas afabla maljunulino.
这座孤零零的房子居然存在，而且里面住着一位和善的老太太，我已经算是非常走运了。
"Ni dividos mian simplan vespermanĝon," ŝi proponis.
“我们一起分吃我那顿简单的晚饭吧。”她提议道。
Ŝi preparis legomojn.
她准备的是蔬菜。
Kun pano kaj butero, plus unu frukto, estis ĉio.
再配上面包和黄油，再加一个水果，就是全部了。
Mi malsatis kaj plezure enbuŝigus ion pli satigan, kiel estus viando aŭ almenaŭ ovoj, sed tion ŝi ne havis aŭ ne proponis.
我很饿，很想吃点更顶饿的东西，比如肉，至少也该有鸡蛋；可这些她没有，或者没有拿出来。
Mi ne kuraĝis peti ion alian.
我不敢再要别的东西。
Kaj kiam mi konstatis, ke ŝi ne metis salon en la legomojn, mi ĝenis min demandi, ĉu salo ie troviĝas.
当我发现她没有在蔬菜里放盐时，我连开口问问盐放在哪里都觉得不好意思。
Eble la kuracisto malkonsilis al ŝi sali siajn manĝojn, sed tio ne koncernis min.
也许医生劝过她不要在食物里加盐，但那并不关我的事。
Kiam mi petis salon, ŝi tuj montris al mi, kie ĝi estas, sed mi ne komprenis, kial estis al mi tiel malfacile eldiri tiel simplan peton.
当我开口要盐时，她立刻指给我看盐在哪里，可我不明白，为什么说出这样一个简单的请求，对我竟如此困难。
Ekde kiam ni komencis manĝi, ŝi parolis pli kaj pli libere.
从我们开始吃饭起，她就越说越自在。
Ŝi rakontis pri sia vivo, sia infaneco.
她讲起了她的生活，她的童年。
Ŝia avo, ŝia patro, ŝia edzo, ĉiuj laboris en la arbaro.
她的祖父、她的父亲、她的丈夫，都在森林里工作过。
Arbaristoj ili estis.
他们都是林务工人。
Tial ŝi vivis en tiu ĉe-arbara domo.
所以她才住在这所靠着森林的房子里。
Aŭskultante ŝin, mi tamen plu pripensis pri mia propra sinteno, pri kiu mi miris: kial mi tuj forlasis la ideon peti ion pli satigan por manĝi?
可是一边听着她说，我一边还在想着我自己的态度，而且对此感到惊讶：为什么我立刻就放弃了再要点更能填饱肚子的食物的念头呢？
Certe, ŝi ion tian havis.
她肯定是有那类东西的。
Kaj kial mi apenaŭ kuraĝis peti salon?
又为什么我连要一点盐都几乎不敢？
Mi kutime ne tiel agas.
我平时不是这样的。
Finfine mi komprenis: pro timo.
最后我明白了：因为害怕。
Mi alvenis ĉi tien kiel ĝenanto, ne invitita.
我来到这里，是以一个打扰人的、不受邀请的人的身份来的。
Sed kiel eblis, ke mi, dekokjara, ne speciale malforta knabo, timis tiun preskaŭ nur-ostan sepdekjarulinon?
可是，怎么会发生这种事呢：我，一个十八岁、不算特别瘦弱的男孩，竟害怕那个几乎只剩骨头的七十岁老妇人？
Ŝi aperis sana, kvankam ŝia haŭto estis iom tro flava laŭ mia gusto, sed ŝi povus fari nenion ĝenan al mi.
她看起来身体还算健康，虽然按我的审美，她的皮肤有点过黄，但她根本不可能对我做出什么让我难受的事。
Dum ŝi rakontis ion pri sia filo, kio tute ne interesis min, tiel ke mi aŭskultis, kiel oni diras, nur unu-orele, mi komprenis mian timon: mi timis, ke ŝi timos min.
当她在讲一些关于她儿子的事时，那些事我一点也不感兴趣，所以我只是像人们所说的那样“用一只耳朵”听着；就在这时，我明白了我的恐惧：我怕的是，她会怕我。
Mi subite vidis min kiel dikan grandegulon — kio mi tute ne estas — kiu unu-bate povus ŝin mortigi kaj tion ial dezirus.
我突然把自己看成了一个肥壮的大块头，虽然我根本不是那样的人；在想象里，这样的我一拳就能打死她，而且还会出于某种原因想这么做。
Ŝi estis senhelpa, sendefenda.
她是无助的、毫无防卫能力的。
Mi povus fari ion ajn el ŝi.
我对她几乎可以为所欲为。
Tiu sento pri mia povo subite min terure ĝenis.
这种关于自己力量的感觉突然让我极其不安。
"Mi ĝojas, ke venis gasto al mi," ŝi diris.
“我很高兴有客人来到我这里。”她说。
"Mi kutimas je soleco, sed havi iun junan en la domo estas agrable.
“我习惯了孤独，不过家里有个年轻人在，还是挺让人高兴的。
Vi dormos en la gastĉambro.
你会睡在客房里。
Mi devos iom ordigi ĝin, kaj ĝi estas malvarma, sed mi preferus ne devi ŝanĝi la littukojn de mia filo.
我得稍微收拾一下，而且那房间有点冷，不过我宁可不去换我儿子床上的床单。
Cetere, ankaŭ tiu estas malvarma.
再说，那一间也是冷的。
La ĉambro, mi volis diri, ne mia filo, ha-ha.
我是说房间，不是我儿子，哈哈。
Ĉiuj dormĉambroj ĉi tie estas malvarmaj, mi bedaŭras."
这里所有卧室都冷，我很抱歉。”
Kaj tiam mi elparolis la bedaŭrindajn vortojn:
就在那时，我说出了那句糟糕的话：
"Ĉu vi ne timas?"
“您不害怕吗？”
Ŝi rigardis min komence mire, poste kun stranga, ne klare difinebla, esprimo.
她一开始惊讶地看着我，接着脸上露出一种奇怪的、难以明确界定的表情。
"Ne. Mi ne timas," ŝi diris.
“不，我不怕。”她说道。
Sed ne estis dubo, ke mi ĵus mispaŝis.
但毫无疑问，我刚才说错了话。
La teo, kiun ŝi proponis al mi tuj antaŭ ol ni iris enlitiĝi, havis maldolĉan guston, kiun mi bedaŭrinde rimarkis nur post unu enbuŝigo, kiam mi povis fari nenion, krom lasi ĝin plu sekvi sian vojon en mi.
就在我们去睡觉之前她端给我的那杯茶，带着一种微苦的味道；可惜我是在喝下一口之后才察觉到的，那时除了让它继续沿着体内的路往下走，我已经什么也做不了了。
Mi plurfoje eldormiĝis kaj reendormiĝis en tiu nokto.
那一夜，我多次醒来，又重新睡去。
Ĉiu-foje, mi sentis egan malkomforton, kiun mi ne bone komprenis, ĉar mi duon-dormis tamen la tutan tempon.
每一次，我都感到一种巨大的不适，可我又不太明白那是什么，因为整个过程我始终都处在半睡半醒的状态。
Mi ja estis tre laca pro la longa biciklado, kiun sekvis la longa marŝado, dum kiu mi puŝis la biciklon.
我确实因为长时间骑车而非常疲惫，而那之后又是长时间步行，其间我还一直推着自行车。
Kaj la neĝo, kiu daŭre falis tutnokte, helpis al profunda dormo.
而且整夜不断下着的雪，也有助于沉沉入睡。
Tamen, kiam mi eldormiĝis matene, pli frue ol tagiĝo, tiel ke ankoraŭ ne estis lumo, mi komprenis la kialon de mia malkomforto: mi estis ligita en la lito.
然而，到了早晨，当我在天亮前、更准确地说是在拂晓之前醒来时，四周还没有光，我明白了自己不适的原因：我被绑在床上了。
Forta ŝnuro min tenis ne tute streĉe, sed sufiĉe bone, por ke mi ne povu movi la brakojn, nek malligi min per la fingroj.
一根结实的绳子把我捆住了，虽然不是勒得特别紧，但已经足够让我既不能动胳膊，也不能用手指把自己解开。
Mi koleris, sed kion mi povis fari?
我很生气，可我又能怎么办呢？
Krii kaj tiri ŝin el la dormo estus tro malĝentile.
大喊大叫，把她从睡梦中惊醒，那就太没有礼貌了。
Kial vi ĝentilu al persono, kiu ligile malliberigis vin, vi eble demandos.
你也许会问：对一个用绳子把你关起来的人，为什么还要讲礼貌？
Nu, mi ne havas respondon.
这个嘛，我没有答案。
Ne estis konvene.
那样做不合适。
Mi komprenis ŝin: ŝi ektimis kaj decidis min ŝnurligi; ŝi liberigos min, kiam tagiĝos.
我理解她：她害怕了，于是决定把我捆起来；等天亮了，她就会放开我。
Maljunaj personoj ĝenerale ellitiĝas frue, mi diris al mi por rehavi kuraĝon.
老年人通常起得早，我这样对自己说，以重新鼓起勇气。
Sed kiam la matena lumo fine envenis la ĉambron, mi rimarkis, ke sur la seĝo apudlita estis fiksita skribaĵo:
可是，当晨光终于照进房间时，我注意到床边那张椅子上固定着一张字条：
"Kara Sinjoro!
“亲爱的先生！
"Pardonu, ke mi ligis vin, sed vi min timigis.
“请原谅我把您绑起来了，但您吓着我了。
Mi ofte akceptis neatenditajn kaj nekonatajn gastojn ĉi tie, kaj neniam timis.
我在这里常常接待意外到来的、素不相识的客人，而且我从来没有害怕过。
Sed gazetoj pli kaj pli rakontas pri junuloj, kiuj atakas senfortajn personojn.
可是报纸越来越多地报道年轻人袭击无力自卫者的事。
Kaj eble mi parolis al vi pri la kaŝejo kun miaj ormoneroj.
而且也许我还跟您说起过我藏金币的地方。
Mi ne memoras bone.
我记得不太清楚了。
Mia memoro ne plu estas, kia ĝi estis.
我的记性已经不如从前了。
Nuntempe mi emas tuj forgesi, kion mi ĵus diris aŭ faris.
如今我很容易立刻就忘掉自己刚刚说过什么、做过什么。
"Mi metis dormigilon en vian tason ĉi-vespere, sed vi trinkis nur malmulte, kaj eble vi ne dormos profunde pli ol unu aŭ du horojn.
“今晚我在您的杯子里放了安眠药，可您只喝了很少一点，所以您也许只能深睡一两个小时。
Mi uzas tiujn por meti vin en staton sendanĝeran por mi.
我用那些药，就是为了让您处在一个对我来说没有危险的状态。
Mi malligos vin nur, kiam estos viro en la domo."
只有等屋里有了一个男人的时候，我才会给您松绑。”
"Eble vi estas bona homo kaj mi petas vian pardonon.
“也许您是个好人，我请求您的原谅。
Sed via demando, ĉu mi timas, naskis timon en mi."
可是您问我是不是害怕，这句话在我心里引起了害怕。”
Ĉu vi scias, kio estis plej zorgiga al mi en tiu momento?
您知道，那一刻最让我焦虑的是什么吗？
Kio, cetere, montras, kiel stulte la homa persono estas aranĝita.
而这件事，顺便也说明了人这种存在是多么荒唐地被构造出来的。
Estis la fakto, ke mi nepre bezonis iri al necesejo.
那就是我无论如何都得去厕所。
Mi trinkis multe da teo post mia alveno, mi trinkis multe da akvo dum la vespermanĝo, kaj legomoj, onidire, estas precipe akvo.
我到来后喝了很多茶，晚饭时也喝了很多水，而据说蔬菜主要也就是水分。
Krome, estis malmulte da salo, kaj salo fiksas akvon en la korpo, mi aŭdis.
再说，盐放得很少，而我听说盐能把水分固定在体内。
Nu, kiaj ajn la kaŭzoj, mi terure bezonis, kaj la ideo malpurigi la littukojn estis neelportebla.
总之，不管原因是什么，我憋得厉害，而把床单弄脏这个念头简直令人无法忍受。
Kaj jen io subite okazis, kio preskaŭ igis min perdi mian povon super mi tiurilate.
就在这时，突然发生了一件事，几乎让我在这方面彻底失去自控。
Ekstere la vento blovis.
外面风正刮着。
Nenio bone funkciis en tiu malnova domo, kaj ventobato faris, ke la pordo de mia ĉambro iom malfermiĝis.
那所旧房子里什么都不太好使，一阵风把我房间的门吹得微微开了一条缝。
Mi rimarkis nenion tuj.
我一开始什么也没注意到。
Sed post momento, rigardante al granda spegulo, mi povis vidi parton de tio, kio troviĝis trans la pordo.
可过了一会儿，我看向一面大镜子时，便能看到门外一部分东西。
Aŭ, pli ĝuste: tiun, kiu.
或者，更准确地说，是看到那个“人”。
Ĉar tuj ekster mia ĉambro kuŝis ŝi, senmova.
因为就在我的房间外面，她躺在那里，一动不动。
Mi krie vokis, sed ŝi ne faris eĉ plej etan movon.
我大声呼喊，可她连最细微的动作都没有。
Iel, mi sciis, ke ŝi estas morta.
这时我知道，她已经死了。
Estis terure.
这太可怕了。
Ŝi, tie, senviva.
她，就在那里，毫无生气。
Kaj mi tie ĉi, eĉ ne povanta helpi, se mi supozis malĝuste kaj finfine montriĝus, ke ŝi ankoraŭ vivas.
而我在这里，哪怕我猜错了，最后发现她其实还活着，我也连帮忙都做不到。
Mi sentis, ke mi freneziĝos.
我觉得自己快要疯了。
Neniam mi imagis tian situacion ebla.
我从来没想过会有这样的处境。
La tempo pasis ege malrapide, kaj nenio okazis.
时间过得极其缓慢，而什么事也没发生。
Mi malsatis kaj soifis, sed ne pri tio mi vere pensis, Okupis mian penson, senkompate, la nekontentigebla bezono iri necesejen, kaj la timo, ke neniu dum pluraj tagoj venos al ĉi tiu soleca domo.
我又饿又渴，但我真正想着的并不是这些；无情地占据我脑海的，是那种怎么也无法满足的上厕所需求，以及那种担心：好几天里都不会有人来到这座孤零零的房子。
Jes ja, mia gastigantino diris, ke ŝi liberigos min nur ĉe la ĉeesto de viro, kio ŝajnis signifi, ke iu devas veni.
不过话说回来，我的女主人说过，她只会在屋里有男人的时候才放开我，这似乎意味着会有人来的。
Tiu penso redonis esperon.
这个念头让我重新有了希望。
Sed alifoje mi diris al mi: ne; ŝi intencis iri mem al la vilaĝo peti iun veni ĉi tien kaj okupiĝi pri mi.
可转念一想，我又对自己说：不；她本来是打算自己去村里请人来这里照料我的。
Se mi bone vidis, ŝi ne havis telefonon.
如果我没看错的话，她家里没有电话。
Mi kompreneble provis malligi min.
我当然试着自己解开绳子。
En romanoj kaj filmoj, kaptito ofte sukcesas tion fari.
在小说和电影里，被绑的人往往都能做到。
Estis neĝojige devi konfesi al mi, ke, kvankam la ŝnuron ligis maljuna senforta avino, mi ne kapablis malfari ŝian laboron.
可我不得不承认，尽管那绳子是一个虚弱的老太婆绑上的，我却没有本事解开她打的结，这真让人沮丧。
Sed tiel estis.
但事实就是这样。
Kaj jen finfine mi aŭdis iun ekstere.
终于，我听见外面有人来了。
Tiu frapis la pordon kaj vokis plurfoje: "Sinjorino Ada! Sinjorino Ada!"
那人敲着门，几次喊道：“阿达夫人！阿达夫人！”
Mi krie respondis: "Help! Venu supren!"
我高声回应道：“救命！快上来！”
Estis vilaĝano, kiu alportis al ŝi panon, lakton, ovojn kaj diversajn aliajn manĝaĵojn, kiujn ŝi certe antaŭe mendis.
来的是个村民，他给她送来面包、牛奶、鸡蛋以及各种其他食物，这些显然都是她之前订好的。
"Liberigu min," mi petis.
“请把我放开。”我请求道。
"Mi tuj klarigos al vi."
“我立刻就向您解释。”
"Kiu vi estas?" li demandis.
“你是谁？”他问道。
Sed li ekvidis la kuŝantan korpon, kaj, ne atendante respondon, tuj klinis sin al ĝi.
可他一下子就看见了躺着的那具身体，根本没等我回答，便立刻俯身去查看。
"Ŝi mortis," li diris post atenta tuŝado.
“她死了。”仔细摸查之后，他说道。
"Ne povas esti dubo."
“这一点不可能有疑问。”
Nur tiam li envenis en la ĉambron.
直到这时，他才走进房间。
"Liberigu, vi diris, ĉu ne?"
“你刚才说，放开你，是吧？”
Li vidis, ke mi estas ligita.
他看见我被绑着。
Sed tuj poste li rimarkis la paperon kun ŝia skribaĵo.
可紧接着，他又注意到了那张带着她字迹的纸条。
"Mi vin petegas, liberigu min, mi nepre devas iri al la necesejo."
“我求求您，放开我吧，我无论如何都得去厕所。”
Li rigardis min sindemande.
他带着疑问望着我。
"Kiel mi povas scii, ĉu vi estas danĝera aŭ ne? Mi havas pli bonan ideon."
“我怎么知道你到底危险不危险？我有个更好的主意。”
Li iris al alia ĉambro.
他走到另一间房里去。
Tute klare, li bonege konis la domon.
很显然，他对这所房子非常熟悉。
Post nelonge li revenis kun unu el tiuj ujoj, kiujn oni uzas en malsanulejoj por la homoj, kiuj ne kapablas moviĝi kaj do ne povassenigi sin je bezonpremo en taŭga loko.
没过多久，他拿着一种那种容器回来了；医院里常给不能活动、因此无法在合适地点解除便意压迫的人使用这种容器。
"Vi devos helpi min," mi diris, "ĉar mi ne povas fari eĉ plej etan movon per la brakoj."
“您得帮我一下，”我说，“因为我的胳膊连最轻微的动作都做不了。”
Mi sentis min honta kaj malfeliĉa, sed li akceptis, kaj mi malplenigis min en la ujon.
我感到羞愧又难堪，但他同意了，于是我就在那容器里排空了自己。
La senpeziĝo estis nekredeble bonvena.
那种卸下重负的感觉简直令人难以置信地舒服。
"Mi devas venigi doktoron, por ke li pretigu la necesajn paperojn pri tiu morto," li diris.
“我得去找个医生来，让他准备这次死亡所需的文件。”他说。
"Kaj ankaŭ informi la policon."
“还得通知警察。”
"Bonvolu forpreni miajn ligilojn," mi petis.
“请把绑着我的东西解开吧。”我请求道。
Sed liaj duboj pri mi estis tro gravaj.
但他对我的怀疑太深了。
"Ne. Mi unue rigardu, ĉu ŝia oro plu troviĝas sialoke."
“不。我得先看看她的金子还在不在原来的地方。”
Li baldaŭ revenis kun serioza, neamika esprimo survizaĝe.
他很快就回来了，脸上带着严肃而不友善的表情。
Mi komence miris, ke li konas la lokon, sed poste mi pensis, ke en tia eta vilaĝo, ĉiuj certe konas ĉion pri ŝi.
起初我很惊讶他竟知道那个地方，但后来我想，在那样一个小村子里，人人大概都知道关于她的一切。
Se juĝi laŭ la antaŭa vespero, ŝi estis parolema kaj facile forgesis, kion ŝi aŭ oni ĵus diris.
从前一晚的情形来看，她是个多话的人，而且很容易忘记自己或别人刚刚说过的话。
Tia homo verŝajne ne povas longe teni ion ne-diskonata.
这样的人大概不可能长久守住什么秘密。
"Ĝi malaperis.
“它不见了。
Plej verŝajne vi ĝin prenis kaj ie kaŝis, dum ŝi rimarkis nenion."
十有八九是你把它拿走了，又藏在了什么地方，而她什么也没察觉。”
"Kaj kiel mi ligis min mem?"
“那我又是怎么把自己绑起来的？”
"Vi havas kunulon, eble.
“也许你有个同伙。
Aŭ vi trovis manieron igi ŝin tion fari.
或者你想出了办法，让她自己那样做。
Eble dirante al ŝi, ke tiel ŝi ne timos."
也许是对她说，这样她就不会害怕了。”
"Sed ĉi tiun komunikaĵon fiksitan al la seĝo ŝi skribis propramane.
“可是这张固定在椅子上的字条，是她亲手写的。
Certe tion vi rekonas."
这一点您总认得出来吧。”
"Nu, mi ne scias.
“这个嘛，我不知道。
Ne estas mia tasko kompreni pri tiaj aferoj.
理解这种事情不是我的职责。
Mi informos la policon."
我会通知警察。”
La doktoro venis.
医生来了。
Li diris, ke ŝia koro estis malforta kaj verŝajne ne eltenis la timon plus la forto-streĉon necesan por bone ligi min.
他说，她的心脏本来就很弱，大概承受不住恐惧，再加上为了把我牢牢绑好而必须付出的体力紧张。
Venis policano.
警察来了。
Li diris, ke mi devos resti surloke, ĝis la esplorado pri la stranga situacio, kun mi ligita en lito kaj ŝi morta eksterĉambre, estos finfarita.
他说，在对这起奇怪情形的调查结束之前，我必须留在原地：我被绑在床上，而她死在房门外。
Sed ĉar li ne volis lasi min sola tie, time, ke mi forkuros, kaj ĉar li opiniis, ke neniu en la vilaĝo konsentos gastigi eblan mortiginton, plus konsidere al la malmulta mono, kiun mi disponis kaj igis hotelon neebla solvo, li proponis, ke mi loĝu en la policejo, kiu troviĝis ne tre proksime, en malgranda kampara urbeto.
但是，因为他不想把我单独留在那里，怕我会逃走；又因为他认为村里没人会同意收留一个可能的杀人犯；再考虑到我手头的钱很少，住旅馆也根本不是办法，于是他提议让我住到警察局去，那个警察局在不算太近的一座乡间小镇里。
Tie mi restis plurajn tagojn.
我在那里住了好几天。
Pluraj vilaĝanoj memoris tre bone, kie la maljuna avino kaŝis sian oron.
好几个村民都清楚地记得，那位老太太把她的金子藏在哪里。
Ŝi ne timis la konatojn kaj jen parolis pri ĝi, jen eĉ montris ĝin.
她对熟人并不设防，一会儿跟人说起它，一会儿甚至还把它拿出来给人看。
Tiu kaŝejo nun estis malplena.
那个藏匿处现在已经空了。
La fakto, ke oni trovis reston de dormigilo en te-taso ankoraŭ ne purigita, ne faciligis la solvon de la problemo.
在那只还没洗净的茶杯里发现了安眠药残留，这一事实并没有让问题变得更容易解决。
Ĉu mi ne metis ĝin por ŝin mortigi?
难道不是我把药放进去想毒死她的吗？
Kiel scii, kiom estis metita kaj kiom ŝi trinkis?
又怎么知道当时放了多少、她又喝了多少呢？
Eble mi perforte devigis ŝin skribi la leteron kaj poste ligi min, sciante, ke la dormigilo ne efikos antaŭ ol duonhoro.
也许是我强迫她写下那封信，然后再让她把我绑起来，因为我知道安眠药得过半小时才会起效。
"Kial mi farus ion tiel malsimplan?" mi diris.
“我为什么要做这么复杂的事？”我说道。
"Se mi prenus ŝian oron, mi tuj forirus kun ĝi!"
“如果我要拿她的金子，我早就带着它立刻走了！”
"Eble tion vi intencis fari komence, sed ne povis pro la neĝo."
“也许你一开始就是这么打算的，但因为下雪，没能办到。”
"Se mi ŝtelis la oron, kien mi metis ĝin?"
“如果是我偷了金子，那我把它藏到哪里去了？”
"Jes.
“对。
Tion vi devus sciigi al ni..."
这个问题你应该告诉我们才对……”
La esplorjuĝisto, ne kontenta, ne tre certa pri si, decidis ne ellasi min.
预审法官并不满意，对自己也不太有把握，于是决定不放我出去。
La filo de la maljuna sinjorino vere estis plej afabla.
那位老太太的儿子真是非常和善。
Post kiam li klarigis al la polico, ke ĉifoje, antaŭ ol vojaĝi for por kelka tempo, li akceptigis al sia patrino, ke ŝi lasu lin meti ŝiajn ormonerojn en sendanĝeran lokon en sia oficejo, en la urbo, kie li laboras, oni liberigis min.
在他向警察解释说，这一次，在他为了出门一段时间而离开之前，他已经说服母亲让他把她的金币存放到他办公室里一个安全的地方，而那办公室在他工作的那座城里，之后，人们便把我释放了。
Li vere ne estis memcentra homo.
他确实不是个自我中心的人。
Li tre malĝojis pri la forpaso de la patrino, sed ne preteratentis pro tio mian strangan situacion.
他对母亲的去世非常悲伤，但并没有因此忽视我那奇怪的处境。
Li sentis sin kulpa pro la maniero, laŭ kiu lia patrino min traktis, kiom ajn komprenebla ĝi estis.
他对母亲那样对待我的方式感到内疚，尽管那样做是完全可以理解的。
"Mi ne estas malriĉa," li diris.
“我并不穷。”他说。
"Mi havas bonan oficon, mi ne havas gefilojn kaj mia patrino preskaŭ nenion elspezis.
“我有一份不错的工作，我没有孩子，而且我母亲几乎什么钱都不花。
Permesu, ke mi faru ion, por ke vi pardonu ŝin."
请允许我做点什么，好让您原谅她。”
Kaj li aĉetis por mi tute novan biciklon.
于是他给我买了一辆全新的自行车。
NOVAJ VORTOJ
新词
aprilo
四月
butero
黄油
cetera
其余的；其余
densa
浓密的；稠的
dividi
分；分享
fajro
火
ferio
假期
fingro
手指
flava
黄色的
fumo
烟
gasto
客人
ial
由于某种原因
iel
以某种方式；设法
karakterizi
使具有特征；刻画
konstati
察觉；确认
orelo
耳朵
plus
再加；外加
puŝi
推
rado
轮子
salo
盐
teo
茶
tuko
布；床单
NOVAJ KUNMETOJ
新复合词
esplor-juĝ-isto
预审法官
forto-streĉo
体力紧张；用力
mem-centra
以自我为中心的
neces-ejo
厕所
preter-atenti
忽视；不予注意