17. KOMERCA ALIRO
17. 商业式的做法
— Kredu min, estas granda plezuro revidi vin kaj paroli kun vi pri la pasinta tempo.
— 请相信我，再见到你，并和你谈谈过去的时光，是一件很大的快乐。
— Ĉu vere?
— 真的吗？
Vi mirigas min.
你真让我惊讶。
Vi estas tiel malsama!
你变化太大了！
Mi restis tio, kio mi estis, kiam ni ambaŭ estis knabinoj en la sama lernejo, sed vi fariĝis riĉulino.
我还是当年那个我，那时候我们俩还是同一所学校里的女孩子，可你却成了个富婆。
Vi vivas en socia rondo, kiun mi eĉ ne povas imagi.
你生活在一个我甚至无法想象的社交圈里。
Vi konas famulojn.
你认识名流。
Mi miras pri via nekredebla socia antaŭeniro.
我对你那不可思议的社会上升感到惊讶。
Ofte, aŭdante pri vi, mi min demandis: kiel eblas?
我常常一听到你的消息，就问自己：这怎么可能？
Kiel ŝi sukcesis plibonigi sian vivon tiel eksterordinare, ŝi, kiu sidis apud mi en la klaso?
她，当年在班里坐在我身边的她，是怎样把自己的生活改善到如此非同寻常的呢？
— Estas tre simple.
— 非常简单。
Nur necesas aliri la aferon komerciste.
只需要像商人那样来处理这件事。
— La aferon?
— 这件事？
Kiun aferon?
什么事？
Aferoj ne taŭgas al mi.
这些事并不适合我。
Mi tute ne povus sukcesi en komercaj aferoj.
我根本不可能在商业事务上成功。
— Mi ne parolas pri komercaj aferoj.
— 我不是在说商业事务。
Mi parolas pri komercista maniero aliri edzinecon.
我说的是，以商人的方式来对待婚姻。
— Edzinecon, ĉu?
— 婚姻，是吗？
Mi malpli kaj malpli komprenas.
我越来越不明白了。
— Jes.
— 是的。
La plej malfacila parto de la supreniro estas la unua.
向上爬最难的部分是第一步。
Vi devas trovi viron kun sufiĉe da mono kaj tiri lin al vi.
你必须找到一个有足够多钱的男人，并把他吸引到你这边来。
Por tio vi uzu la rimedojn de via imago.
为此，你要运用你想象力的各种手段。
Necesas tiri rezulton el ĉio, kion vi havas: el beleco, el la maniero paroli, el la inteligenteco, kiun vi povas enmeti en la komprenon de la celo.
必须从你拥有的一切中榨取结果：从美貌、从说话的方式、从你能投入到理解目标中的那份聪明。
— La celo?
— 目标？
Ŝajnas al mi, kvazaŭ vi parolus alian lingvon.
在我看来，你像是在说另一种语言。
Mi nenion komprenas.
我什么都不明白。
Pri kiu celo vi parolas?
你说的是什么目标？
— Mi devus diri: la celato.
— 我该说：目标对象。
Jes, la celato, tio estas pli ĝusta.
对，目标对象，这样更准确。
La viro, kiun oni celas.
就是你所瞄准的那个男人。
La viro kun iom da mono.
那个有点钱的男人。
— Kaj per sia beleco, inteligenteco, komprenemo kaj maniero paroli oni trafas la celon!
— 凭着自己的美貌、聪明、体贴和说话方式，人就能击中目标！
Kion tio signifas?
这是什么意思？
Ke li elektas vin kiel edzinon, ĉu?
就是他会选你做妻子，是吗？
— Jes.
— 是的。
Li proponas, kaj vi akceptas.
他求婚，而你接受。
Vi scias, ke la geedza vivo ne sukcesos, ĉar vi elektis lin nur pro la mono kaj per laŭ-celaj rimedoj, kiuj neniel rilatas al amo kaj al tiuj aferoj, sur kiuj, laŭdire, oni normale bazas paran vivon.
你知道婚姻生活不会成功，因为你选择他只是为了钱，而且采用的是针对目标的手段，这些手段与爱情以及据说通常用来作为伴侣生活基础的那些东西毫无关系。
Ĉar la para vivo ne estas kontentiga, li elportas ĝin malpli kaj malpli bone.
因为伴侣生活并不令人满足，他越来越难以忍受它。
Sed vi devas esti bona virino, ne tro bona, sed sufiĉe bona, por ke li povu diri nenion malbonan pri vi.
但你必须做一个好女人，不必太好，但要好到让他不能说你一句坏话。
Vi devas krei senton, ke li faris eraron petante vin edziniĝi al li.
你必须制造出一种感觉：他向你求婚是犯了错误。
— Kial?
— 为什么？
Tio devas esti malfacile akceptebla.
这一定很难接受。
Oni certe sentas sin malfeliĉa, ĉu ne?
人肯定会感到不幸福，不是吗？
— Ne.
— 不。
Oni sentus sin malfeliĉa, se oni dezirus ami kaj feliĉi edzine.
如果人渴望去爱，并在婚姻中获得幸福，那当然会感到不幸福。
Sed tio ne estas via celo.
但那不是你的目标。
— Jes, estas mia celo.
— 不，那就是我的目标。
— Mi volas diri, tio ne estas onia celo.
— 我的意思是，那不是人们在这里的目标。
Mi klarigas al vi mian metodon.
我是在向你解释我的方法。
Mi ne diras "vi" pri vi persone.
我说“你”，并不是在指你本人。
Mi parolas ĝenerale.
我是在泛指。
Ni do ne serĉas feliĉon.
所以，我们并不是在寻找幸福。
Ni planas.
我们是在计划。
Ni havas longdaŭran planon por altiĝi socie, por atingi la plej suprajn ŝtupojn de la socio.
我们有一个长期计划，要在社会上往上爬，达到社会最上面的台阶。
Kaj ni efektivigas nian planon, paŝon post paŝo.
而且我们一步一步地实施这个计划。
Por tio necesas scii, kion oni faras, kaj kial.
为此，必须知道自己在做什么，以及为什么这么做。
— Ĝuste, vi ne respondis, kial oni kreas en la edzo la senton, ke li eraris.
— 对了，你还没有回答，为什么要在丈夫心里造成一种他犯了错误的感觉。
— Por ke li serĉu alian virinon.
— 为了让他去找另一个女人。
— Alian virinon, ĉu vere?
— 另一个女人，真的吗？
Mi ne komprenas.
我不明白。
— Kaj mi ne komprenas, ke eblas ne kompreni.
— 而我不明白，居然会有人不明白这一点。
Niaj kapoj funkcias vere tute malsame, Irina.
我们的脑子运作方式真是完全不同，伊琳娜。
Necesas, ke li serĉu alian virinon, trovu ŝin, kaj enamiĝu al ŝi.
必须让他去找另一个女人，找到她，并爱上她。
Oni eĉ povas faciligi la trovon, se li estas iom stulta pri tio, kiel ofte viroj.
如果他在这方面有点蠢，就像男人常常那样，人甚至还可以让他更容易找到。
Tiuokaze, estas tre simple, oni serĉas mem taŭgan virinon, amikiĝas al ŝi, kaj invitas ŝin hejmen.
那样的话就很简单了：自己去找一个合适的女人，和她交朋友，再把她邀请到家里来。
Mi fojfoje pensis, ke oni eĉ povus antaŭe aranĝi la aferon kun ŝi, sed ĝis tio mi neniam kuraĝis iri.
我有时甚至想过，也许还可以事先和她把这件事安排好，不过我从来没敢做到那一步。
Nu, ĉar la vivo kun vi fariĝis ĉiam sama, egale nekontentiga de tago al tago, li rimarkas tiun virinon, kiun vi invitis.
嗯，因为和你一起的生活一天又一天地变得总是一样、同样令人不满足，所以他就会注意到你邀请来的那个女人。
Kompare kun vi, ŝi estas multe pli agrabla.
和你相比，她要讨人喜欢得多。
Ambaŭ havas komunajn gustojn.
他们两人有共同的喜好。
Tion vi devis esplori antaŭ ol venigi ŝin via-hejmen: vi devas serĉi virinon, kiu havas ĝuste tiun guston komune kun li, kiun vi ne havas.
这一点你在把她带到自己家里来之前就该调查清楚：你必须找一个和他恰恰有着你所没有的那种共同爱好的女人。
— Kiel planema vi estas!
— 你真会筹划！
Mi neniam povus.
我永远做不到。
— Ĝuste ĉar mi kapablas plani mi sukcesis.
— 正因为我会计划，所以我成功了。
Sed kelkfoje ne necesas aranĝi tian renkontiĝon.
不过有时并不需要安排这样的相遇。
Kelkfoje ili trovas mem.
有时他们自己就会找到。
Nu, kiam li trovis, vi bezonas aranĝi la aferojn tiamaniere, ke vi povu igi eĉ la plej stultan juĝiston tute certa, ke, krom gustoj, ankaŭ lito iĝis komuna inter ili.
那么，当他已经找到了之后，你就需要把事情安排得使得你连最蠢的法官都能让他完全确信：他们之间除了趣味相投之外，就连床也已经成了共同的。
Estas manieroj faciligi tian disvolviĝon.
有办法让这种发展更容易发生。
— Ho jes, oni legas pri tio.
— 哦，是啊，人们读到过这种事。
Al mi tio ege malplaĉas.
我非常不喜欢这种做法。
— Nu, al mi ne.
— 嗯，我可不。
Tio estas ludo, kiu min ege amuzas.
这是一种让我非常开心的游戏。
Do, kiam ne povas esti dubo pri la aĉa agado de tiu kompatinda viro, vi petas eksedziĝon (eks-edz-iĝon).
所以，当那个可怜男人的那种可恶行为已经毫无疑问时，你就提出离婚。
— Mi komencas kompreni.
— 我开始明白了。
Sed kiel vi povas tiel malvarme ludi per la sentoj...
可你怎么能如此冷酷地玩弄感情……
— Oni sciu, kion oni volas en la vivo.
— 人应该知道自己在生活中想要什么。
Vi do petas eksedziĝon.
于是你提出离婚。
Kaj ĉar vi ĉion bone planis kaj aranĝis, vi sukcesas ricevi rajton je multe da mono, kiun devos pagi li, la aĉulo, kiu havis tiel karan, belan, amindan edzinon, kaj kiu iris samliti kun alia.
而且因为你把一切都计划好、安排好了，你就成功取得了一大笔钱的权利；那笔钱必须由他来付，那个坏东西，他本来有着那么可爱、那么美丽、那么讨人喜欢的妻子，却跑去和别人上床。
— Terure!
— 太可怕了！
— Tre agrable.
— 非常愉快。
Estas tre plaĉe ricevi monon ĉiumonate sen labori, sen fari ion ajn.
每个月不用工作、什么都不用做，就能收到钱，这是非常令人高兴的。
Sed vi devas atenti pri la mono.
但你得留意这笔钱。
Vi ne elspezu ĝin tro rapide.
不要把它花得太快。
Tio estus grava eraro.
那会是个严重的错误。
Kiam oni havas longdaŭran planon, oni devas atenti multajn detalojn.
当人有一个长期计划时，就必须注意很多细节。
Do, se vi agas saĝe, kaj ne malsaĝe elspezas vian monon, ĝi iom post iom grandiĝas.
所以，如果你做得明智，而不是傻乎乎地把钱花掉，它就会一点一点地增长。
Ĉiumonate vi atentas elspezi kiel eble plej malgrandan parton de la ricevata mono, tiel ke ĝi amasiĝas.
每个月，你都注意只花掉收到的钱里尽可能小的一部分，这样它就积累起来了。
— Kaj kion vi faras per la amaso da mono?
— 那么，这一大笔钱你拿来做什么？
— Kiam vi amasigis sufiĉe, vi uzas ĝin por perfektiĝi mult-flanke.
— 当你积攒得足够多时，你就用它来在多方面完善自己。
Tri kampoj tre gravas: la aspekto de la hejmo, la vestoj kaj la kulturo.
有三个领域非常重要：家的样子、衣服，以及文化修养。
— Kial?
— 为什么？
— Irina, vere, vi intence montras vin pli stulta ol vi estas.
— 伊琳娜，说真的，你是故意把自己表现得比实际更蠢。
Plej simple ĉar per bela hejmo, taŭgaj vestoj kaj brila kulturo vi povas kapti viron, kiu vivas je pli alta nivelo.
道理很简单，因为凭借漂亮的家、合适的衣服和出色的文化修养，你就能抓住一个生活在更高层次上的男人。
— Kiel vi altigis vian kulturan nivelon?
— 你是怎么提高自己的文化水平的？
— En vespera lernejo.
— 在夜校里。
Ekzistas vesper-kursoj pri tio, kion ili nomas ĝenerala kulturo.
有那种关于他们所谓“一般文化”的夜间课程。
Tio ege helpis min, kvankam tiutempe mi ne vere disvolvis min tiom, kiom mi povis.
那对我帮助极大，尽管在那个时候，我其实并没有把自己发展到本来能够达到的程度。
— Sed tio sufiĉis, ĉu ne?, por kapti duan viron.
— 不过那已经足够了，对吧？足够抓住第二个男人。
— Ha ha, Irina.
— 哈哈，伊琳娜。
Via kapo finfine ne funkcias tiel malsame.
你的脑子到头来毕竟也没有那么不同地运作。
Vi rapide lernas.
你学得很快。
Jes, mi sukcesis iĝi la edzino de nova viro, pli aĝa, pli riĉa, socie pli altnivela.
是的，我成功成了另一个男人的妻子；他更年长、更富有、社会层次也更高。
Sen la kursoj pri kulturo, sen la belaj vestoj, kiujn la unua havigis, mi tion neniam sukcesus.
没有那些文化课程，没有第一个男人给我置办的漂亮衣服，我是绝不可能做到这一点的。
— Kaj vi faris al li vivon ne tre agrablan dum la unuaj monatoj, ĉu ne?
— 然后你在最初几个月里让他的生活过得不太愉快，对吧？
— Jes, tiel ke li necese devis trovi alian virinon.
— 对，这样他就必然得去找另一个女人。
Mi trovis ŝin per anonco.
我是通过广告找到她的。
— Kial?
— 为什么？
Ĉu vi ne povis trovi per pli simplaj rimedoj?
你不能用更简单的办法找到吗？
— Ne.
— 不能。
Li amas tre specialan malnovan muzikon, kiun mi vere malŝatas.
他喜欢一种非常特别的老音乐，而我真讨厌它。
Kaj tiukampe mi sciis nenion.
而在这一方面，我什么都不知道。
Mi ne rakontos la detalojn.
细节我就不讲了。
Sed per anonco mi kaptis ŝin.
但通过广告，我把她钓出来了。
Mi aranĝis miskomprenon, por ke ambaŭ retroviĝu foje, dum mi "erare" ne ĉeestis.
我安排了一场误会，让他们俩有一次在我“碰巧”不在场的时候见到了彼此。
Ne daŭris longe ĝis la eksedziĝo povis okazi, kun vere belaj pri-monaj aranĝoj tute respondaj al miaj interesoj.
没过多久，离婚就能发生了，而且关于金钱的安排真是漂亮，完全符合我的利益。
Kaj ne diru, ke mi ne konsideris liajn sentojn.
可别说我没有考虑他的感受。
Li estas tre feliĉa nun jam de multaj jaroj kun sia muzikama edzino.
他现在已经很多年都和那位热爱音乐的妻子过得很幸福。
Sen mi li neniam trovus ŝin.
没有我，他永远也找不到她。
— Pri tio mi ne dubas.
— 对这一点我毫不怀疑。
Nu, mi supozas, ke tiun monon vi saĝe enmetis en pli belajn vestojn, pli belan loĝejon kaj en edukiĝon, ĉu ne?
那么，我想你是把那笔钱明智地投入到了更漂亮的衣服、更漂亮的住处和教育上，对吗？
— Jes, vi prave supozas.
— 是的，你猜得对。
Ĉi-foje mi pagis al mi instruiston pri la arto paroli.
这一次，我给自己请了一位教说话艺术的老师。
Vi scias, el kiu urboparto mi venas: ĝi estas la sama, kiel la via.
你知道我来自城市的哪个区：和你来自的是同一个地方。
En niaj laboristaj hejmoj, ni ne lernis elparoli bele, nek bone nin esprimi.
在我们那些工人家庭里，我们没有学会把话说得好听，也没有学会很好地表达自己。
Ni estis malriĉaj ne nur mone, sed ankaŭ vorte.
我们不仅在金钱上贫穷，在语言上也贫穷。
Dank' al tiu mono, mi lernis paroli kiel la homoj sur Monstrato.
多亏了那笔钱，我学会了像Monstrato上的人那样说话。
Oni kelkfoje eĉ imagas, ke mi iradis al universitato.
人们有时甚至以为我上过大学。
— Kial vi ne iris?
— 为什么你没去上？
— Tio timigas ilin.
— 那会吓到他们。
Oni devas paroli bele, sed fojfoje iom stulte.
人说话必须优雅，但有时也得显得稍微有点蠢。
Tiel ili sentas sin superaj.
这样他们才会觉得自己高人一等。
Tuj kiam ili demandas, ĉu mi studis universitate, mi rapidas trankviligi ilin.
他们一问我是不是上过大学，我就赶紧让他们安心。
Ne.
没有。
Danĝeron ili ne timas pri mi tiuflanke.
在这方面，他们不会把我看成危险人物。
Estas amuze vidi, kiel ili spiras pli trankvile tuj post tia diro.
看他们在我说完这话后立刻呼吸变得更轻松，是很有意思的。
— Kaj kiom da viroj vi kaptis entute, agante laŭ via plano?
— 那么，照着你的计划，你总共抓了多少个男人？
— Mi nun eluzas la sesan.
— 我现在正在用第六个。
— Sed kion vi celas finfine?
— 可你最终到底在追求什么？
Vi ne plu povas altiĝi pli supren, ĉu?
你已经不可能再往上爬了，不是吗？
— Vi pravas.
— 你说得对。
Mi ne scias, kio estas nun mia celo.
我不知道我现在的目标是什么。
Mi atingis...
我已经达到了……
— Ĉu vi estas feliĉa?
— 你幸福吗？
— Rigardu min, aŭskultu min.
— 看看我，听听我。
Vi konis min bone, kiam ni estis junaj.
我们年轻的时候，你很了解我。
Kion vi opinias?
你怎么看？
— Jes.
— 是的。
Kontraŭe al ĉiuj miaj ideoj, vi aperas tute feliĉa.
和我所有的想法相反，你看起来完全幸福。
Mi eĉ kredas, ke vi estas feliĉa.
我甚至相信，你是真的幸福。
Kaj mi min demandas, kiel estas eble kun tia maniero vivi.
而我不禁想，这样一种生活方式怎么可能带来幸福。
(Longa silento: ambaŭ profunde enpensiĝas).
（长久的沉默：两人都深深陷入沉思。）
— Vi trovas en tio amuzon.
— 你从这里面找到了乐趣。
— Jes.
— 是的。
Trafe.
说得准。
Miaopinie vi pravas.
在我看来，你说得对。
Mi scias nun, kial mi fakte feliĉas.
我现在知道我实际上为什么幸福了。
Tio fariĝis sporto.
这已经变成了一项运动。
Ĉu vi memoras, kiam ni estis en la lernejo, kiel mi ĉiam deziris esti la unua, antaŭeniri?
你还记得吗，我们在学校里的时候，我总是想当第一，想走在前面？
Mi ne malamis tiujn, kiuj superis min, se mi ne estis la unua, sed la unua-econ mi ege deziris.
如果我不是第一，我并不恨那些超过我的人，可我非常渴望第一的位置。
Estas same nun.
现在也是一样。
Mi malamas neniun.
我不恨任何人。
Estas egale al mi, se aliaj inoj sukcesas alveni pli alten.
别的女人如果能爬得更高，对我来说也无所谓。
Sed mi tamen aliras la aferon ne komerciste, kiel mi unue diris, sed sportule.
但无论如何，我对待这件事的方式，并不像我一开始说的那样是商业式的，而是竞技式的。
Mi kolektas sukcesojn.
我在收集成功。
Kaj la tuta afero estas kvazaŭ ludo, kiu min ege amuzas.
而整件事就像一场让我非常开心的游戏。
Ĉu vi trovas tion stranga?
你觉得这很奇怪吗？
— Mi ne povus tion fari mem, sed stranga, nestranga, kion tio signifas?
— 我自己做不到这一点，但奇怪不奇怪，那又算什么呢？
Mi iom kompatas la virojn, ĉar vi uzas ilin kiel objektojn.
我对那些男人多少有一点同情，因为你把他们当作物件使用。
Sed se ili estus iom saĝaj, ili vidus vin, kia vi estas.
可如果他们稍微聪明一点，他们就会看出你是什么样的人。
Ili do ne estas vere kompatindaj.
因此他们其实也并不真值得同情。
Ili ricevis repagon por tio, kion ili mem elektis.
他们为自己所作的选择得到了回报。
Estas interese, vi sukcesis.
很有意思，你成功了。
Kaj ankaŭ mi kun mia laborista edzo sukcesis.
而我和我那个工人丈夫也成功了。
Eble vi ne povus tion kompreni.
也许这一点你不会明白。
Sed ni amas unu la alian.
但我们彼此相爱。
Vere.
是真的。
Profunde.
而且爱得很深。
Kaj kiom da ĝojo tio donas!
而这带来了多大的快乐啊！
Se vi nur scius!
要是你知道就好了！
Jes, mi feliĉas en geedza vivo.
是的，我在婚姻生活里很幸福。
Kaj kelkfoje mi diras al mi, ke niatempe, tio estas rimarkinda sukceso.
而且我有时会对自己说，在我们这个时代，这就是一种值得注意的成功。
NOVAJ VORTOJ
新词
aĝo
年龄
amaso
一堆；大量
-at-
-at-（现在被动分词词缀）
atenti
注意
bazo
基础
detalo
细节
dubi
怀疑
eduki
教育；培养
eks-
eks-（前、离异等前缀）
esplori
调查；研究
krei
创造
kurso
课程
nivelo
水平；层次
perfekta
完美的
rimedo
手段；办法
saĝa
聪明的；明智的
spezi
花费
stulta
愚蠢的
ŝtupo
台阶
tiri
拉；吸引
trafi
击中；说中
NOVAJ KUNMETOJ
新复合词
el-spezi
花掉；支出
el-uzi
用尽；耗用
en-tute
总共
foj-foje
时不时；有时
(socia) rondo
（社交）圈子