12. LA VIRO POR ŜI
12. 适合她的男人
"Li estas tre malfeliĉa, vi scias."
“他非常不幸，你知道。”
"Ho jes, mi scias.
“哦，是的，我知道。
Mi tro scias.
我知道得太多了。
Sed tio ŝanĝas nenion.
但那并不改变什么。
Mi ne plu povis resti kun li."
我再也没法和他待在一起了。”
"Kial?"
“为什么？”
Ŝi rigardis sian amikinon.
她看着自己的女友人。
Ŝi ĉiam alte estimis ŝiajn opiniojn kaj ne bone komprenis, kial, ĉifoje, ŝi ne estis certa, ĉu ŝi volas aŭ ne volas daŭrigi la interparolon.
她一向很看重她的看法，却不太明白，这一次，她为什么不确定自己究竟想不想继续这场谈话。
"Mi malestimas lin.
“我瞧不起他。
Oni ne povas vivi kun iu, kiun oni malestimas, ĉu?"
人是不能和自己瞧不起的人一起生活的，不是吗？”
"Verŝajne ne.
“大概不能。
Sed mi ne komprenas, kiel povis okazi, ke vi ĉesis lin estimi.
可我不明白，你怎么会变得不再尊重他了。
Li..."
他……”
"Li ne estas viro," ŝi interrompis.
“他不是个男人，”她打断道。
"Kaj mi bezonas viron.
“而我需要的是一个男人。
Veran viron."
一个真正的男人。”
"Ne viro, li, ĉu?
“他不是男人，是吗？
Tia sportulo!"
那样一个运动健将！”
"Ĝuste.
“正是。
Ĉiuj eraras pri li pro lia sportula aspekto.
大家都因为他那副运动员的外表而看错了他。
Kiam li sportas, li ŝajnas forta kaj kuraĝa, klare, sed fakte..."
他运动的时候，显得强壮而勇敢，这当然没错，可实际上……”
"Mi ne kapablas imagi, ke li montriĝas alia en la ĉiutaga vivo.
“我想象不出来，他在日常生活中会是另一副样子。
Mi ĉiam trovis lin plej kara."
我一直都觉得他特别讨人喜欢。”
"Ĝuste.
“对。
Vi uzas ĝustan vorton.
你用的词很准确。
Li estas kara.
他讨人喜欢。
Li estas aminda.
他可爱。
Li estas bonkora.
他心地善良。
Li estas ĝoja kaj feliĉa.
他总是快乐而幸福。
Li ĉiam estas prava.
他总是有理。
Tio kolerigas min!"
这让我生气！”
"Mi ne komprenas.
“我不明白。
Ĉu ne estas agrable esti kun aminda, bonkora kaj ĝenerale prava junulo?"
和一个可爱、善良、而且通常总是有理的年轻人待在一起，难道不愉快吗？”
"Estas plej malagrable.
“这最令人不愉快了。
Oni sentas, kvazaŭ oni estus, ne kun viro, sed kun servisto.
人会觉得，自己仿佛不是和一个男人在一起，而是和一个仆人在一起。
Kion ajn mi petas, li faras tuj.
不管我要求什么，他都立刻去做。
Li neniam kontraŭstaras.
他从不反对。
Li neniam decidas.
他从不作决定。
Ĉiam estas mi, mi, mi.
永远都是我、我、我。
'Kiel vi volas, mia kara, kiel vi volas' (ŝi diris tion per moka, knabineca voĉo).
“‘按你喜欢的办，亲爱的，按你喜欢的办。’”（她用一种嘲弄的、像小女孩一样的声音这样说。）
Tio igas min kolera.
这让我发火。
Ŝajnas, ke li ne havas propan personecon.
看起来，他没有自己的个性。
Li ne vivas, li obeas."
他不是在生活，他是在服从。”
La amikino ŝin rigardis per brilaj okuloj.
那个女友人用发亮的眼睛看着她。
"Nu, al mi tio certe plaĉus," ŝi diris.
“嗯，这种情况我倒肯定会喜欢，”她说道。
Kaj enpense ŝi ĝojis pri la fakto, ke li nun iĝis libera.
她心里为他如今成了自由之身这一事实而高兴。
"Eble vi..." ŝia kunulino komencis diri, kaj malestima esprimo bildiĝis sur ŝia vizaĝo.
“也许你……”她的同伴刚开口说，脸上就浮现出轻蔑的表情。
"Sed tian personecon mi ne elportas.
“但那样的个性我是受不了的。
Li estas tro mola.
他太软弱了。
Viro, kiu estas mola, ne estas viro, ĉu?
一个软弱的男人，就不是男人，不是吗？
Se li ne kapablas kontraŭstari min, kiel li povus defendi min en la vivo?
如果他连反抗我都做不到，在生活中又怎么可能保护我？
Viro devas esti forta, kaj forto estas io alia ol kapablo porti kaj levi pezajn objektojn.
男人必须强大，而强大并不是能搬运和举起重物那么简单。
Forto estas kapablo kontraŭstari al premo.
力量，是抵抗压力的能力。
Mi ne povas diri, ke mi premis lin forte, sed neniam li faras ion alian ol akcepti mian vidpunkton."
我不能说我对他施加了多大的压力，可他从来不会做别的，只会接受我的观点。”
En la kafejo, ili sidis ĉe sia kutima tablo.
在咖啡馆里，她们坐在自己常坐的桌边。
Ili ne rimarkis, ke Ivano, la viro, kiu servis la trinkodezirantojn, staris kiel kutime malantaŭ ili kaj subaŭskultis.
她们没有注意到，给点饮料的顾客服务的那个男人Ivano，像平常一样站在她们身后偷听。
Ĉiusemajne la du amikinoj renkontiĝis tiuloke.
这两个女友人每周都在这里碰面。
Kaj ĉiusemajne ili interesis, kaj, ofte, amuzis lin.
而且每周她们都让他感兴趣，并且常常把他逗乐。
Ili ja ĉiam venis je horo, kiam li havis malmulton por fari.
她们总是在一个他没多少事情可做的时刻来。
Ili estis trankvilaj en sia kutima kafeja angulo.
她们在自己惯常的咖啡馆角落里很安静。
Kaj li ĝojis, ke ili ĉiam tiel interese plenigas tiun por li malplenan duonhoron.
而他很高兴，因为她们总是这样有趣地填满了对他而言空荡荡的那半个小时。
Samkafeje, samtable, samhore, ses monatojn poste.
同一家咖啡馆，同一张桌子，同一时刻，六个月后。
"Mi aŭdis, ke vi disiĝis."
“我听说你们分手了。”
"Jes.
“是的。
Mi ne povis resti kun li.
我没法和他继续待在一起。
La vivo ne eblas kun tia ulo."
和那样的家伙生活是不可能的。”
"Kial?
“为什么？
Vi ĉiam diris, ke vi volas virojn tre virajn.
你不是一直说你想要很有男人味的男人吗？
Ĉu li ne estas tia?"
他难道不是那样的吗？”
"Se vi nur scius!
“要是你知道就好了！
Ne estis eble igi lin agi laŭ miaj deziroj.
根本不可能让他按照我的愿望行事。
Li volas ĉiam ordoni.
他总想发号施令。
Li volas esti la estro.
他想当头儿。
Mi bezonas liberecon, mi bezonas kontentiĝon.
我需要自由，我需要满足。
Sed se io ne plaĉis al li, ĉu vi opinias, ke li venis al mi kun propono fari laŭ mia bontrovo?
可如果有什么事不合他的心意，你以为他会来跟我提议，说按我的意思办吗？
Tute ne.
完全不会。
Li volis, ke mi faru laŭ lia deziro."
他想要我照他的愿望去做。”
"Ĉu li neniam konsideris vin, viajn dezirojn, viajn gustojn?"
“他难道从不顾及你、你的愿望、你的喜好吗？”
"Jes, jes, se tio taŭgis por li.
“是啊，是啊，如果那也正合他的意的话。
Sed ne ĉiam.
但并不总是这样。
Se ni havis la saman ideon, ne estis problemo.
如果我们有同样的想法，就没有问题。
Sed kiam mi deziris ion, kaj li ion alian, li ne akceptis aliĝi al mia deziro.
可当我想要一种东西，而他想要另一种时，他就不肯顺着我的愿望。
Li trovis, ke li estas la estro en la paro, kaj ke kiam niaj voloj batalas, li devas superforti min."
他认定自己是这对伴侣中的主导者，而当我们的意志发生冲突时，他就必须压过我。”
"Almenaŭ tiu ne estas mola!"
“至少那个可不软弱！”
"Li imagas, ke ordoni kaj estri, tio estas agi virece.
“他以为发号施令、当头儿，这就是有男人气概的表现。
Sed mi ŝatas viron, kiu havas konstantan konsideradon al la virino, kun kiu li estas.
可我喜欢的，是一个对和自己在一起的女人始终体贴的男人。
Tiu virisma sinteno estas plej malagrabla.
那种大男子主义的态度最令人不快。
Konstante ŝajnis al mi, ke mi troviĝas antaŭ muro.
我总是觉得自己像是站在一堵墙前面。
Muro senporda.
一堵没有门的墙。
Oni ne povas movi lin pli ol muron, oni povas fari nenion, nur sekvi.
人无法推动他，就像无法推动一堵墙一样，什么也做不了，只能跟着走。
Li ĉiam antaŭiras, ĉiam proponas, ĉiam decidas, ĉiam organizas.
他总是走在前面，总是提议，总是决定，总是安排。
Li igis min senti min infano."
他让我觉得自己像个孩子。”
Kiel kutime, Ivano troviĝis malantaŭ ŝi kaj aŭskultis kun intereso, sed nek ŝi nek ŝia amikino rimarkis lin.
像往常一样，Ivano就在她身后，饶有兴趣地听着，可她和她的女友人都没有注意到他。
"Li ĉiam postulas tion aŭ tion ĉi," ŝi daŭrigis.
“他总是要求这个要求那个，”她继续说道。
"Ĉu vi povus vivi kun postulema viro?"
“你能和一个要求很多的男人一起生活吗？”
"Tio dependus de lia personeco, de lia maniero postuli.
“那要看他的个性，也要看他提出要求的方式。
Kelkfoje postulemo devigas onin pliboniĝi."
有时候，别人的要求会逼着人变得更好。”
"Viaj pensoj estas strangaj, fojfoje," ŝi diris kun miro, kun kiu miksiĝis iom da malestimo.
“你的想法有时候真奇怪，”她带着惊讶说道，那惊讶里还夹着几分轻蔑。
"Por mi, tio estas neakceptebla; fino; fina punkto.
“对我来说，这是不能接受的；结束；最后的句点。
Jen vi nun scias la kaŭzon, pro kiu ni disiĝis.
现在你知道我们为什么分手了。
Ne estis eble daŭrigi."
根本没法继续下去。”
Kiam ili revenis la postan semajnon okazis io stranga al Ivano.
当她们在下一周回来时，Ivano身上发生了一件奇怪的事。
Kiel kutime, li troviĝis je sia loko, de kie li superrigardis la kafejon, atendante la mendojn.
像往常一样，他待在自己的位置上，从那里俯看着整个咖啡馆，等着顾客点单。
Sed ĉi-foje, la du junulinoj ne povis havi la kutiman tablon, ĉar iu jam sidis tie.
但这一次，那两个年轻女子没法坐到惯常的桌子，因为那里已经有人坐着了。
Kaj anstataŭ vidi ilin de malantaŭe, kiel kutime, Ivano vidis ilin rekte antaŭ si.
而Ivano也不像平常那样从背后看见她们，而是正面看见了她们。
Neniam antaŭe li vere rimarkis, kiel bela ŝi estas.
他以前从未真正注意到，她竟然这么美。
Dum li rigardis ŝin, lia koro batis pli kaj pli rapide.
当他看着她的时候，他的心跳得越来越快。
Sentoj turniĝis en li, strangaj sentoj, kiajn li antaŭe neniam spertis.
各种感觉在他心里翻涌，奇异的感觉，是他从前从未体验过的。
Li deziris esti kun ŝi.
他渴望和她在一起。
Li deziris teni ŝin en siaj brakoj, premi ŝin forte al si, tuŝi ŝin per amoplenaj manoj.
他渴望把她搂在自己的臂弯里，紧紧地把她压向自己，用充满爱意的双手触碰她。
Amplenaj, ĉu?
充满爱意的，是吗？
Jes, li ekkomprenis, preskaŭ terure: li amas.
是的，他几乎带着惊恐地明白了：他爱上了。
Kaj jen li ekridetis al si.
于是他暗暗对自己笑了起来。
Li aŭdis ŝin tiel ofte!
他听她说这些已经太多次了！
Li sciis tre ĝuste, kian viron ŝi deziras.
他非常清楚，她想要的是怎样的男人。
Li estos tia viro.
他会成为那样的男人。
Estos facile, konante tiel bone ŝiajn gustojn.
既然对她的喜好知道得这么清楚，这会很容易。
Li skribis kelkajn vortojn sur papero, kiun li transdonis al ŝi.
他在一张纸上写了几句话，并把它递给了她。
Tia agmaniero kaŭzos en ŝi miron, kiu certe tuŝos ŝian koron.
这样的举动会在她心里引起惊讶，而那份惊讶必定会触动她的心。
Estis invito vespermanĝi kun li.
那是一张邀请她和他共进晚餐的字条。
"Ivano ne plu laboras ĉi tie, ĉu?"
“Ivano已经不在这里工作了，是吗？”
"Ne.
“是的。
Kiam mi forsendis lin, dirante, ke li ne estas viro taŭga por mi, li sciis, ke ne plu estus eble vidi min ĉi tie ĉiusemajne.
当我打发他离开，并告诉他他不是适合我的男人时，他就知道，以后再也不可能每周在这里见到我了。
Mi komprenigis al li, ke mi ne ŝanĝos mian kutimon kaftrinki ĉi-loke kun vi, nur pro tio, ke li kaj mi dum kelka tempo estis kune.
我让他明白，我不会仅仅因为我和他曾经在一起过一段时间，就改变我在这里和你一起喝咖啡的习惯。
Li do serĉis ion alian.
所以他就去另找事情了。
Li nun laboras en la stacidoma trinkejo."
他现在在火车站的酒吧工作。”
"Jen plia knabo, kiu ne sukcesis kontentigi vin!"
“这又是一个没能让你满意的男孩子！”
"Kiel Ivano povus?
“Ivano怎么可能做到呢？
Kelkfoje li provis ludi la estron.
有时候他试着扮演头儿。
Li alprenis ordonajn sintenojn, volis ĉion direkti.
他摆出发号施令的样子，想把一切都掌控起来。
Li aspektis forta en tiaj okazoj, sed kun forteco malagrabla por mi, ĉar li sentigis al mi ian superecon.
在那样的时候，他显得很强，可那种强势让我不舒服，因为他让我感到某种高高在上的优越感。
Sed tion li rimarkis, kaj tiam li iĝis mola kiel printempa floro en vespero somera.
可他察觉到了这一点，于是他就变得像夏日晚间的一朵春花一样柔软。
Li faris ĉion, kion mi volis, li montriĝis tiel ema plaĉi al mi, ke nenio plu restis el lia bela vira supereco.
他做了我想要的一切，他表现得那么急于讨我欢心，以至于他那美好的男性优越感一点也不剩了。
Tiu knabo estas tro ŝanĝiĝema.
那个男孩太善变了。
Mi bezonas iun, kiu konstante restas si mem.
我需要的是一个始终保持他自己的人。
Mi neniam povus kutimi vivi kun tia ulo."
我永远也不可能习惯和那样的家伙一起生活。”
"Kaj jen vi retroviĝas sola, ĉu ne terure?"
“于是你又重新变成一个人了，这难道不很可怕吗？”
"Terure jes.
“可怕，当然可怕。
Mi ne elportas solecon.
我受不了孤独。
Tiom pli terure estas, ĉar ĉiuj miaj amikinoj havas knabon, kun kiu ili sentas sin bone.
更可怕的是，我所有的女友人都有一个能让她们感到舒服的男孩。
Kial tiu feliĉo neniam okazas al mi?
为什么那样的幸福从来不会发生在我身上？
Vere mi ne komprenas.
我真是不明白。
Kial mi devas ĉiam retroviĝi sola, sola, sola, dum mi tiom bezonas iun?"
为什么我总是得重新发现自己是一个人、一个人、一个人，而我又那样需要有人陪着我？”
La alia nenion diris.
另一个人什么也没说。
Ŝi konis sian amikinon sufiĉe bone por scii, ke tiu ne estis preta akcepti la veron pri si.
她对自己的女友人已经足够了解，因此知道，对方还没有准备好接受关于她自己的真相。
'Ŝi ne akceptas la Teron', ŝi pensis, 'ŝi ne akceptas la vivon sur ĉi tiu nia Tero, en ĉi tiu nia mondo.
‘她不接受大地，’她想，‘她不接受我们这片大地上、我们这个世界里的生活。
Ŝi ne akceptas la regulojn de la vivo.
她不接受生活的规则。
Oni povas kontentiĝi nur, se oni deziras ion, kio estas ebla.
人只有在渴望某种可能实现的东西时，才能感到满足。
Kaj ĉio, kio estas ebla, sur ĉi tiu Tero, estas mankohava.
而在这片大地上，一切可能实现的东西，都是有缺陷的。
Kiel ŝi povas tion ne vidi?
她怎么会看不见这一点呢？
Ĉu eble la vivo estis tro facila por ŝi?
难道是生活对她太容易了？
Aŭ tro malfacila?
还是太艰难了？
Sed ŝi neniam sentas sin bone, ĉiam dezirante, kion ŝi ne elportas, kaj ne elportante, kion ŝi deziras.
可她从来都过不好，总是在渴求自己无法忍受的东西，又无法忍受自己所渴求的东西。
Ĉu sian kontraŭdiron ŝi iutage vidos?
总有一天，她会看见自己的矛盾吗？
Ĉu tio igos ŝin ŝanĝi sian sintenon?'
这会让她改变自己的态度吗？’
La rigardo, kiun ŝi direktis al sia samtablulino, estis plena je amikeco.
她投向同桌女伴的目光充满了友爱。
Sed en la kunulinaj okuloj legiĝis responde nur malestimo, pliafoje.
可对方的眼睛里回应她的，却仍旧只有轻蔑，又一次如此。
Senvorte ŝi ekstaris, kaj iris for.
她一言不发地站起身，走了。
NOVAJ VORTOJ
新词
amuzi
使开心；逗乐
bati
打；击
brako
胳膊；臂
defendi
保卫；保护
gusto
喜好；趣味
kutimi
习惯于
mendi
点（饮料或食物）；订购
miksi
混合；夹杂
moki
嘲弄；讥笑
mola
柔软的；软弱的
obei
服从
objekto
物体；对象
ordoni
命令；发号施令
paro
一对；一双；一对伴侣
postuli
要求
prava
有理的；正确的
premi
压；按压
proponi
提议；建议
regulo
规则
somero
夏天
sporto
体育；运动
stacio
车站
NOVAJ KUNMETOJ
新复合词
kontraŭ-diri
反驳；顶嘴
kontraŭ-stari
抵抗；反对
vid-punkto
观点；看法