9. TIMO HAVIGAS FLUGILOJN
9. 恐惧让人长出翅膀
Ĉu vi scias, kiel oni nomas la fakton movi sin rapidege antaŭen per la propraj fortoj, piede?
你知道，人们把“靠自己的力量用双脚极快地向前移动”这件事叫作什么吗？
Tion oni nomas kuri.
人们把那叫作跑。
Peĉjo povis kuri ege rapide.
Peĉjo能跑得非常快。
Li estis naŭ-jara.
他当时九岁。
En la tuta lernejo ne ekzistis unu knabo, nek unu knabino, kiu kapablis kuri same rapide kiel li.
在整所学校里，没有一个男孩，也没有一个女孩，能跑得和他一样快。
Kial li havis tiun kapablon?
他为什么有那种本领呢？
Eble ĉar li ne estis tre forta, kompare kun la aliaj knaboj.
也许是因为，和其他男孩相比，他并不很强壮。
Sekve, se okazis batalo, li ne povis superforti ilin.
所以，如果打起架来，他不能靠力气压倒他们。
Li nur povis forkuri.
他只能逃跑。
Tial li iom post iom plibonigis sian kur-kapablon.
因此，他一点一点地提高了自己的奔跑能力。
Nun, neniu el la fortuloj de lia lernejo povis ĝiskuri lin.
如今，他学校里那些强壮的家伙，没有一个能追得上他。
Sufiĉis, ke li ekkuru: neniu tuŝos lin.
只要他一开始跑，就没有人碰得到他。
Tiaj batal-situacioj prezentiĝis sufiĉe ofte — knaboj ja estas knaboj, ĉu ne? — kaj ĉiufoje Peĉjo kuris pli bone.
这样的打架场面出现得相当频繁，男孩子毕竟就是男孩子，不是吗？而每一次，Peĉjo都跑得更好了。
Sekve, lia koro fortiĝis, li havis pli kaj pli bonan spiron, kaj la forton, kiu mankis al liaj manoj, liaj piedoj kaj kruroj ricevis.
于是，他的心脏更强健了，呼吸越来越顺，而他双手所缺少的力量，他的脚和腿却得到了。
Ĝenerale, kiu postkuris Peĉjon, tiu post nelonge devis forlasi la iradon, ĉar li baldaŭ ne plu povis spiri, tiel rapide Peĉjo devigis lin iri.
一般来说，谁追赶Peĉjo，谁过不了多久就得放弃追逐，因为Peĉjo逼得他跑得那么快，他很快就喘不过气来了。
Peĉjo tiam rigardis post sin kaj plezure rimarkis, ke la postkuranto, spirante pli kaj pli malfacile, komencas perdi la rapidecon.
这时Peĉjo就回头看，并高兴地注意到，追赶者呼吸越来越困难，开始失去速度了。
Dume, la knabo mem daŭre spiris senprobleme kaj pli kaj pli malproksimiĝis.
而这男孩自己却继续毫不费力地呼吸着，并且离得越来越远。
Tiel estis, ordinare.
通常情况就是这样。
Sed ne ĉi-foje.
但这一次不是。
Ĉi-foje la viro, kiu postkuris Peĉjon, estis ne nur alta, forta kaj timiga.
这一次，追赶Peĉjo的那个男人不仅个子高、力气大，而且很吓人。
Li estis ankaŭ rapida.
他还跑得快。
Peĉjo timis.
Peĉjo害怕了。
Okazis miskompreno.
发生了一场误会。
La afero komenciĝis, kiam Peĉjo, ridante kun kelkaj kunuloj, eliris el la lernejo.
事情开始于Peĉjo和几个同伴一边笑一边走出学校的时候。
Li nevole ektuŝegis viron, kiu ĝuste tiumomente troviĝis tie, kiam Peĉjo estis diranta ion al sam-klasano uzante vortojn, verdire, kiujn oni devus neniam uzi.
当时Peĉjo正在对一个同班同学说些什么，而且说实话，用的是人根本不该说的词；就在那一刻，那里恰好有一个男人，而Peĉjo无意间猛地碰了他一下。
La viro miskomprenis, ke la ne tre belaj — sed vivplenaj! — paroloj de Peĉjo direktiĝas al li.
那男人误以为Peĉjo那些不太文雅但充满活气的话，是冲着他说的。
Li ege malkontentis.
他非常不满。
Li estis eĉ multe pli ol malkontenta: kolera.
他甚至远不只是不满，而是愤怒。
Kiam li turnis sin al Peĉjo kaj ekdiris per malamika voĉo ion, kion la knabeto tute ne komprenis, ĉi-lasta jam eksentis teruran timon.
当他转向Peĉjo，用充满敌意的声音说了些什么，而那小男孩完全听不懂时，后者已经开始感到可怕的恐惧了。
Sed kiam la grandulo, verŝajne ĉar Peĉjo, ne komprenante, ne reagis kiel li volis, eklevis la manon por frapi lin, la lernejano ekrapidis for kun la tuta rapideco de siaj junaj kruroj.
但是，当那个大块头也许因为Peĉjo听不懂，没有按他所希望的那样作出反应，于是举起手要打他时，这个学生就用自己年轻双腿的全部速度飞快地跑开了。
Kaj jen ĝi okazis.
于是，那件事发生了。
Kio okazis, vi demandas?
你问，发生了什么事？
La nekredeblaĵo.
那件不可思议的事。
Sed antaŭ ol diri al vi, pri kio temas, mi devas priskribi la lokon, ĉar tio estas grava.
不过，在告诉你那究竟是什么之前，我得先描述一下那个地方，因为这很重要。
Peĉjo, kurante, turnis sin al mallonga kaj mallarĝa strateto, en kiu estas neniu pordo, neniu fenestro, same sur la dekstra flanko, kiel sur la maldekstra.
Peĉjo一边奔跑，一边拐进了一条又短又窄的小巷；无论右边还是左边，都没有门，也没有窗。
Estas nur longaj muroj.
那里只有长长的墙。
Unuflanke ja tie staras malliberejo kaj aliflanke iu industria laborloko.
一边确实是一所监狱，另一边则是某个工业工作场所。
En tiu mallonga strateto la nekredeblaĵo okazis: Peĉjo flugis.
就在那条短短的小巷里，不可思议的事发生了：Peĉjo飞了起来。
Mi komprenas, ke vi ne estas certa, ĉu vi bone legis, ĉar la afero estas eksterordinara.
我明白，你并不确定自己是不是看对了，因为这件事太不寻常。
Sed tamen vi legis ĝuste.
但你确实看对了。
La knabo ekflugis.
那男孩飞了起来。
Kiel birdo flugas.
像鸟飞那样。
Ne, ne tute kiel birdo, multe pli rekte, multe pli laŭ-cele.
不，也并不完全像鸟，而是笔直得多，也更朝着目标。
Lia celo ja estis klara: forkuri for de la terura sekvanto, kiu, laŭ neniam okazinta sperto, kuris same rapide, se ne pli rapide ol li.
他的目标很明确：逃离那个可怕的追赶者；按从未有过的经验来看，那人跑得和他一样快，甚至比他更快。
Peĉjo estis diranta al si: "Se mi nur povus jam esti ĉe la fino de ĉi tiu strateto, antaŭ ol tiu ulo sin turnos en ĝin, li ne scius, ĉu mi iris dekstren aŭ maldekstren."
Peĉjo当时在对自己说：“要是我能在那家伙拐进这条小巷之前就已经到达巷子尽头，他就不会知道我是往右去了还是往左去了。”
Liaj kruroj ne povus porti lin tien sufiĉe rapide, por ke la postkuranto ne vidu lin.
他的双腿不可能把他带到那里快到让追赶者看不见他。
Sed li tiom deziris jam troviĝi tie, tiom streĉis ĉiujn fortojn, tiom kunigis siajn tutajn volon kaj povon, ke...
但他是那样渴望立刻就在那里，那样绷紧全部力量，那样把自己全部的意志和能力都集中起来，以至于……
Nu, li ne scias, kion li faris.
嗯，他自己也不知道自己做了什么。
Li deziris, li volis.
他渴望着，他想要着。
Kaj jen li rimarkis, ke li flugas.
然后他就注意到，自己在飞。
Post momento, antaŭ ol la kolera fortegulo alvenis al tiu strateto, Peĉjo jam troviĝis ĉe ĝia angulo.
过了一会儿，在那个愤怒而强壮的大汉来到那条小巷之前，Peĉjo已经到了它的拐角处。
Post la angulo, sufiĉos trairi vojon, kaj li estos en parko.
拐过那个角，再穿过一条路，他就会进入一座公园。
En la parko, ĉio fariĝos facila, ĉar tie estas tiom da vojetoj, kiuj turne iras ĉiudirekte, ke ne plu eblos lin trovi.
到了公园里，一切都会变得容易，因为那里有那么多小路，转来转去通向四面八方，再也不可能找到他了。
En tiu parto de la parko, plej proksima al la angulo de la strateto, kie la ekflugo okazis, neniam estas multaj personoj.
在公园里最靠近那条发生起飞的小巷拐角的那一部分，从来都没有很多人。
Hodiaŭ estis neniu.
今天一个人也没有。
Neniu por helpi, eble, sed ankaŭ neniu por malhelpi.
也许没有人来帮忙，但同样也没有人来妨碍。
Kiu povas scii?
谁能知道呢？
Plenkreskuloj ofte agas tiel strange kun infanoj!
成年人对孩子的举动往往就是这么奇怪！
Ne rigardante post sin, Peĉjo volis kuri plu en la parko.
Peĉjo不回头看，只想继续在公园里往前跑。
Kaj jen ree li flugis.
结果他又一次飞了起来。
Ne alte.
飞得并不高。
Pro tio ne estus ĝuste kompari lin al birdo.
因此，把他比作鸟并不恰当。
Eĉ ne tutan metron super la vojeto.
甚至离小路上方还不到整整一米。
Sed liaj piedoj ne tuŝis la teron dum eble dek kvin metroj.
但他的双脚大概有十五米都没有碰到地面。
Kiam, de malproksime, li ekvidis iun, kiu enparke promenis, li realteriĝis (re-al-ter-iĝis).
当他从远处看见有个人正在公园里散步时，他就重新落到了地上（re-al-ter-iĝis）。
"Mi nun ne plu bezonas kuri," li pensis.
“我现在不再需要跑了，”他想。
"Li ne plu trovos min."
“他再也找不到我了。”
Peĉjo decidis atendi kelkan tempon en la parko, antaŭ ol reveni hejmen, por lasi al la kolerulo la tempon perdi sian koleron kaj reiri al siaj aferoj.
Peĉjo决定在公园里先等一会儿再回家，好给那个愤怒的人一点时间，让他消掉怒气，回去做自己的事。
Promenante en la parko, li miris pri tio, kio okazis al li.
他在公园里散步时，对发生在自己身上的事感到惊奇。
"Mi kapablas flugi!" li ripetis al si, ĝoje.
“我会飞！”他高兴地反复对自己说。
Li sin demandis, ĉu tio envere okazis.
他问自己，这是否真的发生了。
"Estas nur unu maniero certiĝi," li diris al si, "mi reprovu".
“只有一种办法可以确定，”他对自己说，“我再试一次。”
Li ne volis tion fari antaŭ homoj kaj decidis trovi lokon, kie promenas neniu.
他不想在别人面前这样做，于是决定找一个没人散步的地方。
Tian trovinte, li ekkuris, rapidiĝis kaj ek!
找到这样一个地方后，他开始跑起来，加快速度，然后，嘿！
Jen li flugis dum kelkaj metroj.
这一下，他飞出了几米。
Vi kaj mi pri tio tiel miras, ke ni simple ne kredus lin, eĉ se ni lin vidus.
你和我对这种事都会惊讶到这种程度：即使亲眼看见他，我们也根本不会相信他。
Sed por infano ĉio estas pli simpla.
但对一个孩子来说，一切都更简单。
Peĉjo facile akceptis la fakton.
Peĉjo很容易就接受了这个事实。
La ideo, ke li verŝajne estas la sola homo sur Tero, kiu kapablas flugi, ŝanĝis nenion en li.
“他大概是地球上唯一会飞的人”这一想法，并没有在他身上改变什么。
Li eĉ pensis, ke se tio okazis al li, simila sperto verŝajne prezentiĝas al multaj aliaj infanoj.
他甚至想，如果这种事发生在他身上，那么类似的经历大概也会出现在许多别的孩子身上。
Reveninte hejmen, li ne sciis, ĉu paroli pri tio aŭ ne.
回到家后，他不知道该不该把这件事说出来。
Unuflanke, li tre deziris, ke la aliaj sciu kaj rekonu lian neordinaran kapablon.
一方面，他非常希望别人知道并承认他这份非同寻常的能力。
Aliflanke, li estis certa, ke oni ne kredos lin.
另一方面，他又确信人们不会相信他。
Li devos montri.
他就得展示出来。
Sed montri en la domo ne estos eble.
但是在屋里展示是不可能的。
Li do devos venigi la tutan familion eksteren al taŭga loko.
所以他就得把全家人都带到外面一个合适的地方。
Kaj se tiam la afero ne plu funkcios?
可要是到那时这件事不再起作用了呢？
Kiu scias?
谁知道呢？
Li sentis tiun povon kiel ne plene certan, ne necese daŭran.
他觉得这种能力并不完全可靠，也未必会持续。
Eble ĝi estis nur momenta helpo de la dioj, kiu ne ripetiĝos.
也许那不过是诸神一时的帮助，不会再重复。
Post la manĝo, li rakontis la aferon al sia frato.
吃过饭后，他把这件事告诉了自己的哥哥。
Tiu kompreneble ne volis kredi.
对方当然不肯相信。
"Venu, mi montros al vi," Peĉjo diris, kaj li kondukis lin al la industria kaj mallibereja strateto, en kiu, ĉar ne estis fenestroj, certe neniu lin vidos.
“来吧，我给你看，”Peĉjo说着，把他带到了那条一边是工厂、一边是监狱的小巷里；那里因为没有窗户，肯定没有人会看见他。
Li ekkuris, kunstreĉis la fortojn kaj... falis teren eĉ antaŭ ol forlasi la vojon.
他跑了起来，把力量全都绷紧，然后……甚至还没离开路面就摔倒在地。
Li provis refoje.
他又试了一次。
Nova malsukceso.
又失败了。
Post la tria kaj lasta provo li sentis sin ridinda kaj malfacile sukcesis ne plori.
第三次也是最后一次尝试之后，他觉得自己可笑极了，费了很大劲才没有哭出来。
Sed plori antaŭ la frato ne estus akcepteble.
可是，在哥哥面前哭出来是不能接受的。
Post kiam ili revenis hejmen, li ne povis resti tie kun sia malĝojo.
他们回到家后，他无法带着自己的悲伤继续待在那里。
Li bezonis pli certiĝi.
他需要更进一步地确认。
Li decidis reiri, sola, al la strateto.
他决定独自回到那条小巷。
Li ekkuris eĉ antaŭ ol alveni al ĝi.
甚至还没到那里，他就开始跑了。
Tuj post la angulo li rapidiĝis, kaj ek!
刚一拐过那个角，他就加快了速度，然后，嘿！
Li senprobleme flugis ĝis la alia angulo.
他毫无困难地飞到了另一个拐角。
Li sentis sin multe pli bone kaj iris al la parko.
他感觉好多了，就去了公园。
En ĝia senhoma parto li ree ekflugis plej facile.
在公园那无人之处，他又一次非常轻易地飞了起来。
Sed, anstataŭ plaĉe al-teriĝi, kiel antaŭe, li falis teren.
可是，他并没有像先前那样愉快地着地，而是摔到了地上。
Kial?
为什么？
Ĉar virino alvenis kaj komencis turni la okulojn al li.
因为有个女人走来了，并开始把目光转向他。
Kiam la rigardo de tiu sinjorino tuŝis lin, li jam estis falinta.
当那位女士的目光碰到他时，他已经掉到地上了。
Tiam li komprenis: "Mi kapablas flugi, sed nur kiam neniu rigardas min".
这时他明白了：“我会飞，但只有在没人看着我的时候。”
Kaj la terura sekvo de tiu rimarko tuj venis: "Neniam oni kredos min."
而这一发现可怕的后果立刻就来了：“人们永远不会相信我。”
Kiam Peĉjo revenis hejmen, li sentis sin sola, terure sola.
当Peĉjo回到家时，他感到自己孤单，极其孤单。
Li sciis, ke li neniam havos amikojn, al kiuj li povos diri ĉion, vere ĉion, kune kun ĉi tiu plej miriga parto de lia personeco.
他知道，他将永远不会有那样的朋友，可以让他把一切，真正的一切，都告诉对方，包括他性格中这最令人惊异的一部分。
Li estis ĝoja, ke li kapablas flugi.
他为自己会飞而高兴。
Sed li estis malĝoja, ke tiun veron li devos porti en si kiel kaŝaĵon ĝis la fino de sia vivo.
但他又为自己必须把这个真相当作秘密藏在心里直到生命尽头而难过。
Kaj eĉ mi, la instruisto, kiun li tiom amis, ke finfine, post longaj jaroj de kaŝa vivo, li sentis, ke jen homo, al kiu li povas raporti la faktojn, eĉ tiu amika kaj por li aminda viro, mi, ne sukcesis kredi lin.
甚至连我，这个他如此喜爱的老师，在他经过多年隐秘的生活之后，终于觉得“这就是一个我可以向其讲述事实的人”时，就连这个友善而且在他看来可亲可爱的男人，也就是我，也没能相信他。
NOVAJ VORTOJ
新词
angulo
角；拐角
batali
打斗；打架
birdo
鸟
-int-
-int-（过去主动分词词缀）
industrio
工业
kapabla
有能力的；能……的
klaso
班；班级
koleri
生气；发怒
konduki
带领；带去
kompari
比较
kruro
腿
kuri
跑
metro
米
momento
时刻；片刻
muro
墙
nu
嗯；喏
parko
公园
promeni
散步
rekta
直的；笔直的
spiri
呼吸
streĉi
拉紧；绷紧
teruro
恐怖；可怕
tuŝi
触碰
NOVAJ KUNMETOJ
新复合词
flug-ilo
飞行工具
plen-kresk-ulo
成年人