8. AĈETU MIAN KAFEJON!
8. 买下我的咖啡馆吧！
Ekstere estis ege malvarme.
外面冷得厉害。
Kiel longe daŭris la vintro!
这冬天持续得多么久啊！
Ŝajnis, ke ĝi neniam finiĝos.
看起来，它仿佛永远也不会结束。
Kaj anstataŭ iom post iom ŝanĝiĝi al printempo, kiel ĝi devus en ĉi tiu tempo de la jaro, ŝajnis, ke ĉiu mateno alportas pli vintran vintron ol ekzistis en la antaŭa vespero.
而且它本该在一年中的这个时节一点一点地转向春天，可看起来，每个早晨带来的都比前一天傍晚更像冬天的冬天。
En la kafejo estis plaĉe varme.
咖啡馆里温暖得很舒服。
Sed ne por la koro de Paŭlo.
可这份温暖并不属于Paŭlo的心。
Paŭlo sentis, ke li povus baldaŭ plori.
Paŭlo觉得自己很快就要哭出来了。
Kial havi kafejon, se neniu vizitas ĝin?
如果没有人来，这家咖啡馆还开什么呢？
Li ĉirkaŭrigardis.
他环顾四周。
Ne estis necese: li sciis tute bone, kion li vidos.
其实根本没有必要：他非常清楚，自己会看见什么。
Sed tamen li ĉirkaŭrigardis.
可他还是环顾了一圈。
La kafejo — lia kafejo, kiun li tiom amis — estis tute senhoma.
这家咖啡馆——他的咖啡馆，他那样热爱的咖啡馆——完全空无一人。
Kiel hieraŭ.
像昨天一样。
Kiel antaŭhieraŭ.
像前天一样。
Kiel ĉiutage, ekde kiam...
像自从那时起的每一天一样……
Estis malesperige.
这真让人绝望。
Eĉ nun, en ĉi tiu horo, kiam en ĉiuj aliaj trinkejoj de la ĉefurbo estis preskaŭ neeble trovi sid-lokon, ĝi estis plorige malplena.
就连现在，在这个首都其他所有酒馆里几乎都找不到座位的时刻，这里却空得令人想哭。
Se diri la veron, tiu kafejo neniam estis plena antaŭe, eĉ tiu-hore, sed ĝi sufiĉe ofte estis duonplena, kaj tiu duonpleneco almenaŭ havigis sufiĉe da mono por pagi la kostojn kaj vivi.
说实话，这家咖啡馆从前也从来没有坐满过，哪怕是在这个时辰；可它也常常能坐到半满，而这种半满至少还能带来足够的钱，用来支付开销并维持生活。
Paŭlo deziris nur vivi simple, sen-probleme.
Paŭlo只想简单地、无麻烦地活着。
Riĉula vivo ne interesis lin.
富人的生活并不吸引他。
Nek Monikan.
Monika也一样。
La penso pri Monika igis lin ege malĝoja.
一想到Monika，他就非常难过。
Ree, li preskaŭ ekploris.
他又一次几乎哭了出来。
Pro ŝia foresto la kafejo nun estas senhoma.
正因为她不在了，这家咖啡馆如今才空无一人。
Kial ŝi foriris?
她为什么走了？
Kial?
为什么？
Kial?
为什么？
Li neniam komprenos.
他永远也不会明白。
Li neniam trovos la respondon al tiu timiga demando, kiu forprenis de li lian enan pacon.
他永远也找不到那个可怕问题的答案，而那个问题已经夺走了他的内心平静。
Li amis ŝin.
他爱她。
Estis klare, ke li ne malplaĉis al ŝi.
很明显，他并不让她讨厌。
Kaj tute certe, ŝi amis la kafejon.
而且毫无疑问，她爱这家咖啡馆。
Ŝi ŝatis la trinkantojn.
她喜欢那些来喝东西的人。
Ŝi sciis diri la ĝustajn vortojn, kiuj igis ĉiun senti sin bone.
她知道该说什么恰当的话，好让每一个人都觉得舒服。
Ŝi vivigis la lokon.
是她让这个地方活了起来。
Pro ŝi, nur pro ŝi, ĝi estis plaĉa, kvankam ĝi ne estis speciale bela kaj kvankam la strato, kie ĝi staris, troviĝis en ne tre vizitinda parto de la urbo.
因为她，只因为她，这里才是讨人喜欢的；尽管这里本身并不特别漂亮，尽管它所在的街道也位于城里一处并不怎么值得人来的地段。
Sed pensi pri Monika utilis al nenio.
可是想Monika并没有任何用处。
Ŝi lin forlasis, kaj malĝojaj pensoj ne revenigos ŝin.
她离开了他，而悲伤的念头也不会把她带回来。
Ŝi ne estas unu el tiuj virinoj, kiuj faras decidon, kaj tuj poste ŝanĝas ĝin, neniam certaj, ĉu ili decidis ĝuste aŭ malĝuste.
她不是那种刚作出决定、马上又把决定改掉、永远不确定自己究竟决定对了还是错了的女人。
Li ne pensu pri ŝi, li pensu pri la vendo.
他不该再想她了，他该想的是出售这件事。
Tio ja estas la grava afero nuntempe.
这才是现在最重要的事情。
La ŝancoj havi eblecon vendi la kafejon preskaŭ ne ekzistis antaŭ unu semajno.
就在一周以前，能够把这家咖啡馆卖出去的机会几乎根本不存在。
Tio estis la plej malesperiga aspekto de lia situacio.
那是他处境中最令人绝望的一面。
Sed hieraŭ, Fredo informis lin, aĉetanto prezentiĝis.
可是昨天，Fredo告诉他，出现了一位买主。
Gravas ne lasi tiun for.
重要的是，不能让这个人跑掉。
Necesas, necesegas, ke li aĉetu la kafejon.
必须，必须得让他把这家咖啡馆买下来。
Se la situacio daŭras kiel nun, sen vendo de eĉ kafeto dum tuta tago, Paŭlo perdus tiom da mono, nur pro la daŭraj kostoj, ke li baldaŭ ne plu povus vivi.
如果情况继续像现在这样，整整一天连一小杯咖啡都卖不出去，那么Paŭlo光是因为持续不断的开销，就会亏掉那么多钱，以至于他很快就再也活不下去了。
Eĉ pli: li ne plu povus pagi la monon, kiun li ankoraŭ devas pagi, kaj tiam...
更糟的是：他还会再也付不起那些自己仍然必须支付的钱，而到那时……
Ne.
不。
Pri tio, kio tiam okazus, li preferis ne pensi.
对于那时会发生什么，他宁愿不去想。
Sed tiu persono, kiu havas la strangan ideon aĉeti kafejon en ĉi tiu malplaĉa urbo-parto, certe perdos ĉian deziron tion fari, kiam li vizitos la ejon kaj trovos ĝin nekaŝeble senhoma.
可是，那个竟然会生出在这片不讨人喜欢的城区里买一家咖啡馆这种奇怪想法的人，只要来这里看一眼，并发现这里明显空无一人，就肯定会彻底失去购买的欲望。
Neniu aĉetas vendejon, en kiu nenio vendiĝas!
没有人会买下一家什么都卖不出去的店！
Sed kiel plenigi kafejon, kiu ne plu plaĉas al la iamaj trinkantoj?
可是，要怎样才能让一家已经不再讨从前那些顾客喜欢的咖啡馆重新坐满人呢？
Sen-elira situacio!
真是走投无路的局面！
Feliĉe, tiu ulo estas for, Fredo diris.
幸好，那家伙人不在，Fredo说。
Li nun vojaĝas eksterlande.
他现在正在国外旅行。
Ĝis li revenos, ĉu ne eblus organizi ion?
在他回来之前，难道就不能安排点什么吗？
Inviti amikojn, eble, ĉu?
比如邀请些朋友来，也许行不行？
Ankaŭ tiu penso estis malĝojiga.
就连这个想法也让人伤心。
Post kiam Monika foriris, kiam la kafejo komencis perdi sian vivon kaj la homoj ĉesis veni pasigi la tempon en ĝi, ankaŭ la amikoj malaperis.
自从Monika离开以后，自从这家咖啡馆开始失去它的生气、而人们也不再来这里消磨时间以后，那些朋友也消失了。
Kio montras, ke ili ne estis amikoj.
这说明，他们根本就不是朋友。
La sola amiko, kiu nun restas, estas Fredo, kara, bona, aminda Fredo.
如今唯一还留下的朋友，就是Fredo，亲爱的、善良的、可爱的Fredo。
Sed Fredo ne povas, sola, plenigi tutan kafejon!
可Fredo一个人，是不可能把整家咖啡馆填满的！
Tiu penso estis tiel ploriga, ke Paŭlo dum kelka tempo simple ĉesis pensi.
这个念头让人想哭到这种程度，以至于Paŭlo干脆有一会儿什么也不去想了。
Strangas la funkciado de homo.
人这种生物的运作方式真奇怪。
Antaŭ kelkaj minutoj, Paŭlo preskaŭ ploris.
几分钟前，Paŭlo几乎哭了。
Poste venis tiu senpensa daŭro.
接着便来了那段无思无想的时间。
Kaj nun li sentis, ke li baldaŭ ridos.
而现在，他却感觉自己很快就要笑出来了。
Ideo ja naskiĝis en li.
因为一个主意在他心里生出来了。
"Jes, tio estas bonega ideo," Fredo diris.
“对，这真是个绝妙的主意，”Fredo说。
"Mi helpos vin.
“我会帮你。
Vi estas bon-ŝanca: la homo, kiu volas aĉeti, nun decidis pri la vizito.
你运气不错：那个想买的人现在已经决定了来看店的时间。
Li telefonis al mi.
他给我打电话了。
Li venos la 15-an de marto vespere, je la 21-a, por rigardi, kia aperas la trinkejo.
他会在3月15日晚上9点来看看这家酒馆看起来是什么样子。
Tio lasas al ni sufiĉe da tempo por ĉion organizi laŭ via ideo."
这给我们留下了足够的时间，可以按照你的主意把一切安排好。”
"Ĉu vi ne trovas stranga, ke homo, kiu volas aĉeti kafejon en ĉi tia seninteresa urboparto, vojaĝas eksterlande?
“你不觉得奇怪吗？一个想在这样无趣的城区里买咖啡馆的人，居然还在国外旅行？
Vojaĝi, tio kostas monon!"
旅行可是要花钱的！”
"Stranga, ne stranga, mi ne scias.
“怪不怪，我也不知道。
Verŝajne li bezonas kafejon por siaj propraj celoj, kiuj eble tre interesus la policon, se tiu ilin ekscius.
大概他需要一家咖啡馆，是为了自己的某些目的；要是警察知道了这些目的，说不定会非常感兴趣。
Sed tio ne estas nia afero.
但那不是我们的事。
Nia problemo estas plenigi la kafejon.
我们的问题是把咖啡馆填满。
Ni organizu la laboron inter ni."
我们来分工安排吧。”
Ili skribis multajn leterojn, jen sen subskribo, jen kun la nomo de iu alia, laŭ la enhavo.
他们写了很多信，有的没有署名，有的则根据内容署上别人的名字。
Ili telefonis al la polico, sen nomi sin, kaj diris nur kelkajn frazojn, fermante la telefonon, antaŭ ol la policano havis la tempon ion demandi.
他们给警察打电话，不报自己的名字，只说几句简短的话，就在警察来得及发问之前把电话挂掉。
Ili telefonis al diversaj ŝtataj servoj, sammaniere.
他们还以同样的方式给各个政府部门打了电话。
Ili presigis plurajn anoncojn kaj skribis leterojn responde al la respondoj.
他们刊登了几则启事，并且针对收到的回复又写了回信。
Unuvorte, ili multe laboris.
总之，他们干了很多事。
"Bele!
“很好！
Ĝi estas plenplena!" diris la ulo, kiu volis aĉeti.
这里满满当当！”那个想买的人说。
"Jes, jes," Paŭlo diris plej simple.
“是啊，是啊，”Paŭlo用极其平淡的口气说道。
Laŭ lia voĉo ŝajnis, ke tio estas plej ordinara okazaĵo.
从他的声音听来，这仿佛是再普通不过的情况。
"Estas kelkaj tabloj kun du personoj, sed preskaŭ ĉiu sidas sola ĉe propra tablo, strange," la ulo miris.
“有几张桌子坐着两个人，不过几乎每个人都是独自坐在一张桌边，真奇怪，”那人惊讶地说。
"Ne strange por mi," Paŭlo respondis.
“对我来说并不奇怪，”Paŭlo回答。
"Tio estas tute ordinara ĉi tie.
“这里一向就是这样。
Estas kafejo, kiu plaĉas al soluloj."
这是一家讨喜欢独处者喜欢的咖啡馆。”
"Tute ne gravas.
“这根本不重要。
Tio ne interesas min.
我不在乎这个。
Ne pro tio mi ŝanĝos la prezon, kiun mi diris al vi eĉ antaŭ ol vidi, kiel ĉio aspektas ene de via kafejo.
我不会因为这个改变我在看见你这家咖啡馆里面究竟什么样之前就告诉你的那个价钱。
Se vi akceptos mian prezon, mi aĉetos.
如果你接受我的价钱，我就买。
Se ne, vendu al iu alia.
如果不接受，那就卖给别人。
Ne povus esti pli simple kun mi."
跟我打交道，不可能比这更简单了。”
La prezo estis sufiĉe alta kaj Paŭlo ne opiniis ebla ricevi pli.
那个价钱已经相当高了，Paŭlo觉得不可能拿到更多。
Kion li timis, tio estis, ke vidante malplenan kafejon, la aĉetanto ĉesos interesiĝi pri ĝi.
他所害怕的，只是买主在看见空荡荡的咖啡馆之后，会对它失去兴趣。
Sed nun, videble, tio ne plu povus okazi.
可现在看来，这种事已经不可能发生了。
"Ne estas problemo, tiu prezo taŭgas al mi," li respondis per plej kontenta voĉo.
“没有问题，那个价钱我接受，”他用最满意的声音回答。
"Ni do interkonsentas.
“那么，我们算是说定了。
Bone.
好。
Necesos subskribi la interkonsenton kaj prizorgi la paperojn, kiuj necesas laŭ la leĝo.
需要签署协议，还要办妥法律上所需要的那些文件。
Ĉu morgaŭ matene ni povus renkontiĝi en mia oficejo...?"
明天上午，我们能不能在我的办公室见面……？”
Nun, kiam la aĉetanto estis for, post momento de grandega ĝojo, Paŭlo rigardis la sidantojn kaj eksentis timon.
现在，买主离开了；在一阵巨大的喜悦之后，Paŭlo看着那些坐着的人，突然感到害怕。
"Ĉu povus okazi io?"
“会不会出什么事？”
"Kial? Kio?"
“为什么？会出什么事？”
Fredo responde demandis.
Fredo反问道。
"Nu, neniu el ili sukcesos havi tion, kion li venis trovi ĉi tie!"
“嗯，他们当中谁也得不到自己来这里想找到的东西啊！”
"Tiuj, ĉu?"
“他们，是吧？”
Kaj per larĝa man-movo Fredo montris al la tuta sidantaro.
Fredo大大地挥了一下手，指向坐着的所有人。
"Ne zorgu pri ili.
“别为他们操心。
Mi konas la homojn.
我了解人。
Kelkaj eble malkontentos enkore, sed ili diros nenion."
有些人心里也许会不高兴，可他们什么也不会说。”
Ne tre juna vireto, malgranda, malforta, proksimiĝis al ili.
一个不算很年轻、个子小小、身体瘦弱的男人向他们走来。
"Ĉu vi ne vidis," li demandis, kaj ia timo aŭdiĝis en lia voĉo, "junulinon ne tre altan, kun verdaj okuloj kaj brunaj haroj, kiu..."
“你们没看见吗，”他问道，声音里带着某种害怕，“一个个子不太高、长着绿眼睛和棕色头发的年轻姑娘，她……”
"Ne.
“没有。
Mi rigardas la koloron de ĉiuj okuloj," Fredo diris, rimarkante, ke Paŭlo aperis ne tre certa pri si.
我会看每个人眼睛的颜色，”Fredo说，同时注意到Paŭlo显得不太有把握。
"Neniu kun verdaj okuloj venis ĉi-vespere.
今晚没有任何一个绿眼睛的人来过。
Sed bonvolu atendi plu.
不过请继续等一等。
Ne zorgu.
别担心。
Virinoj ofte malfruas, ĉu ne?
女人常常迟到，不是吗？
Ĉu eble gazeto helpus vin pasigi la tempon?
也许一份报纸能帮你打发时间？
Jen..."
给您……”
Kaj li iris preni por la vireto la gazeton de tiu vespero.
说着，他去给那男人拿来了当天晚上的报纸。
Paŭlo ne sciis, kiel danki sian amikon.
Paŭlo不知道该怎样感谢这个朋友。
"Feliĉe, ke vi venis!
“幸亏你来了！
Mi neniam povus respondi al ili tiel bele, kiel vi.
我永远也不可能像你这样漂亮地回答他们。
Tio estis unu, al kiu ni sendis respondon al lia anonco pri edziĝ-deziro, ĉu ne?"
那个人就是我们给他的征婚启事回过信的人之一，对吧？”
Li ekridis.
他笑了起来。
"Ha jes!
“啊，对！
Mi memoras, kiel belan virinan skribmanieron vi uzis en la letero, per kiu vi petis lin veni ĉi tien por renkonti... vin!
我记得，你在那封请他来这里见……你的信里，用的是多么漂亮的女性笔调啊！
Se li scius, ke lia Aminda estas vi, kaj vi lia Aminda!"
要是他知道，他的‘可爱的人’其实就是你，而你也就是他的‘可爱的人’！”
Li turnis la rigardon al alia loko.
他把目光转向了别处。
"Kaj viaopinie, kiuj estas tiuj tri ĉe la sama tablo tie?
“那你看，那边同一张桌子旁坐着的那三个人是谁？
Estas strange, ke tri venis kune, kiuj konas unu la alian."
三个彼此认识的人一起过来，这倒奇怪。”
"Tiuj estas homoj el la polico.
“那些是警察那边的人。
Kiam ni sennome telefonis, ke ĉi tie venos Rikardo-la-Kantisto kaj du el liaj kunlaborantoj, kiujn la polico serĉadas sensukcese jam de pluraj monatoj, ekde kiam ili perforte forprenis la tutan monon el la hotelo, kie la doktoroj kongresis, la polico certe decidis, ke ĝi bezonos almenaŭ tri virojn por sekvi ilin, se ili disiros post la renkontiĝo ĉi tie..."
当我们匿名打电话说，Ricardo-the-Singer和他的两个同伙会来这里，而警察已经找了他们好几个月也没找到，自从他们在那家医生们开会的旅馆里用暴力把全部的钱抢走之后，警察当然就决定，如果他们在这里会面之后分头离开，就至少得派三个男人来跟踪他们……”
"Kaj kion vi opinias pri tiu virino, tute sola?"
“那边那个完全独自坐着的女人，你怎么看？”
"Ĉu vi ne rekonas ŝin laŭ ŝia foto?
“你没从她的照片认出她来吗？
Estas unu, kiu respondis al anonco nia kaj al kiu ni skribis, ke ŝi venu ĉi tien por renkonti la sinjoron, kiu povos havigi al ŝi oficon kun alta pago kaj ne-multe da laboro, sed kun iom specialaj devoj..."
她就是那个回应了我们广告的人之一，而我们给她写信说，让她来这里见那位先生；那位先生能给她一份报酬很高、工作不多、可职责有些特别的职位……”
"Ŝi videble malkontentas.
“她看起来明显不高兴。
Mi demandas min, ĉu..."
我在想，会不会……”
"Lasu ŝin malkontenti.
“就让她不高兴去吧。
Kion ŝi povas fari?
她又能做什么？
Se ŝi deziras iom specialan oficon, kun multe da mono kaj malmulte da laboro, ŝi prenu sur sin la respondecon de siaj decidoj.
如果她想要一份有点特别、钱很多、工作又不多的职位，那她就该自己承担自己决定的责任。
Sed tiu alia, kiu ankaŭ sendis al ni sian foton laŭ nia peto, fariĝos eble tro malkontenta.
可另一个人——那个按我们的要求也给我们寄来了照片的人——可能会变得太不高兴了。
Necesus agi.
得采取行动。
Aŭskultu, iru apuden kaj telefonu ĉi tien.
听着，你走开一点，然后打电话到这里来。
Diru, kion vi volos; ne gravas, kion.
你想说什么都行；说什么并不重要。
Gravas nur, ke ŝi aŭdu la telefonon.
重要的只是，让她听见电话响。
Rapidu!"
快去！”
Paŭlo eliris, nekomprene, kaj iris telefoni al la propra kafejo.
Paŭlo一头雾水地走了出去，然后给自己的咖啡馆打电话。
Ĝuste kiam li revenis, la sinjorino malfermis la pordon de la kafejo, elirante.
就在他回来时，那位女士正推开咖啡馆的门往外走。
"Kio okazis?" li demandis Fredon.
“发生什么了？”他问Fredo。
"Kiam la telefono eksonis, vi aŭdis, ĉu ne?, ke mi respondas:jes, jes, bone, mi tuj diros al ŝi.
“电话响起来时，你听见了吧？我回答说：是，是，好，我马上告诉她。
Mi tuj iris al ŝia tablo, kaj demandis, ĉu ŝi estas s-ino Delfonto.
我马上走到她那张桌子边，问她是不是Delfonto夫人。
Ŝi diris: jes.
她说：是。
Tiam mi informis ŝin, ke s-ro Igor ĵus telefonis, ke li havas problemon kaj ne povos veni, kaj ke li petis min diri al ŝi, ke li rekontaktos ŝin poste.
于是我告诉她：Igor先生刚刚来电话，说他遇到了问题，不能来了，还请我转告她，他以后会再跟她联系。
Ŝi foriris tute kontenta."
她就心满意足地离开了。”
"Feliĉe, ke ni notis ĉiun nomon kaj ĉiufoje la kialon de la venigo ĉi tien, kaj petis fotojn kiel eble plej ofte," Paŭlo diris.
“幸好，我们把每个名字、每次把人引到这里来的理由都记下来了，而且尽可能经常地索要照片，”Paŭlo说。
Sed videble, la timo ne plene forlasis lin.
可是显然，恐惧还没有完全离开他。
Tamen, kiam li rigardis du ge-kvardekjarulojn, kiuj interparolis kun videbla plezuro, iom da paco revenis en lin.
不过，当他看见那一对四十来岁的男女正带着明显的愉快互相交谈时，他心里又稍稍恢复了些平静。
"Pri tiuj du mi miris," diris Fredo, kiu sekvis lian rigardon,
“那两个人倒让我惊讶，”跟着他的目光看过去的Fredo说道，
"ĉar ŝajnis tute normala renkontiĝo.
“因为那看起来完全像一次正常的会面。
Ĉu ili estas homoj, al kiuj ni skribis?"
他们也是我们写过信的人吗？”
"Jes.
“是。
Tion faris mi," Paŭlo klarigis.
那是我安排的，”Paŭlo解释道。
"Tiuj du respondis al niaj edziĝ-anoncoj kaj el iliaj leteroj estis klare, ke ili sufiĉe bone taŭgas unu al la alia.
“那两个人都回复了我们的征婚广告，而且从他们的信里很清楚地看得出来，他们彼此相当合适。
Mi do skribis al la viro uzante la nomon de la virino.
于是我就用那个女人的名字给那男人写了信。
Do, ŝajnigante, ke mi estas ŝi, mi petis lin veni ĉi tien hodiaŭ vespere, kaj mi aldonis: por ke mi tuj komprenu, al kiu tablo mi iru, bonvolu aĉeti florojn en la florvendejo de Odeon kaj meti ilin sur vian tablon, tiel ke ili estu bone videblaj.
也就是说，我假装自己就是她，请他今晚来这里，而且我还补充说：为了让我一眼就知道自己该走向哪张桌子，请您去Odeon花店买些花，并把花放在桌上，让它们能被很清楚地看见。
Kaj al ŝi mi skribis, kompreneble kun la nomo de la viro: por ke vi tuj sciu, kie mi sidas atendante vin, mi havos sur mia tablo florojn en travidebla papero kun la nomo 'Florvendejo de Odeon'.
而给她写信时，我当然用的是那男人的名字：为了让你立刻知道我坐在哪里等你，我会在桌上放一束用透明包装纸包着、上面写有‘Odeon花店’字样的花。
Kiam ŝi eniris, ŝi tuj vidis la florojn, iris iom time al li, kaj ili interkoniĝis."
等她一走进来，就立刻看见了那花，然后有些怯生生地朝他走去，于是他们就相互认识了。”
"Bonega ideo.
“绝妙的主意。
Vi vidas, ke estas senutile timi.
你看，害怕是没用的。
Ĉio finiĝos plej bone.
一切都会有个最好的结果。
Rigardu, jam unu foriras.
看，已经有一个人离开了。
Estas certe unu el tiuj, al kiuj mi skribis: se mi ne kontaktis vin antaŭ tiu aŭ tiu alia horo, mi ne venos, mi rekontaktos vin pli poste."
那肯定是那些我曾写信给的人之一；我在信里写的是：如果在某个时刻之前我没有联系你，那我就不会来了，我会晚些时候再和你联系。”
Iom post iom, ili foriris.
慢慢地，他们都离开了。
La lastaj, kiuj eliris, estis ne tre juna geo.
最后离开的，是一对不太年轻的男女。
"Mi ĝojas, ke vi venis, kaj mi trovas vin vere aminda," la viro diris al la virino.
“你来了，我很高兴，而且我觉得你真的很可爱，”那男人对那女人说。
"Sed vere, mi ne komprenas, kial vi petis min veni al ĉi tiu stranga trinkejo, en ĉi tiun malplaĉan urboparton..."
“可是说真的，我不明白，你为什么要我来这家奇怪的酒馆，来到这片不讨人喜欢的城区……”
Parolante, ili iris plu, ekstere.
他们一边说着，一边走到了外面，继续往前去。
Lia voĉo perdiĝis en la nokto.
他的声音消失在夜色之中。
Paŭlo fermis la pordon, feliĉa.
Paŭlo高兴地关上了门。
La respondon li preferis ne aŭdi.
至于回答是什么，他宁可不要听见。
NOVAJ VORTOJ
新词
almenaŭ
至少
anonci
宣布；刊登启事
anstataŭ
代替；而不是
aspekto
方面；外观
bruna
棕色的
ĉesi
停止
ĉia
各种各样的
frazo
句子；话语
gazeto
报纸
haro
头发
kafo
咖啡
normala
正常的
noto
笔记；记录
okulo
眼睛
printempo
春天
stranga
奇怪的
ŝanco
机会
taŭgi
适合
verda
绿色的
vetero
天气
voĉo
声音